الەۋمەتتىك جەلىدە "1 قىركۇيەكتە قازاقستاندا پاندەميانىڭ جاڭا تولقىنى باستالىپ، لوكداۋن جاريالاناتىنى" تۋرالى اقپارات تارادى. اقپاراتتى دسم سانيتارلىق-ەپيدەميولوگيالىق باقىلاۋ كوميتەتى جوققا شىعاردى.
"بۇگىنگى تاڭدا، ءبارىمىز كورىپ وتىرعانىمىزداي، كوروناۆيرۋس اۋرۋىنىڭ تومەندەۋى بايقالادى. نۇر-سۇلتان قالاسى "سارى" ايماقتا، قالعان ايماقتار "جاسىل" ايماقتا. ەلىمىزدە ەپيدەميولوگيالىق جاعداي تۇراقتى. ءبىز بارشاڭىزدى ۆاكسينا الۋعا جانە ريەۆاكسيناسيادان وتۋگە، قوعامدىق ورىنداردا بەتپەردە تاعۋعا جانە مۇمكىن بولسا، COVID-19 جۇقتىرماس ءۇشىن شەت ەلدەرگە ساپار شەكپەۋگە شاقىرامىز. كارانتين شارالاردى كۇشەيتۋ نەمەسە جەڭىلدەتۋ تۋرالى شەشىمدى ۆەدومستۆوارالىق كوميسسيا قابىلدايدى. قازىرگى كەزدە كارانتين جاريالاۋ تۋرالى ماسەلە قاراستىرىلىپ جاتقان جوق" دەدى ۆەدومستۆونىڭ رەسمي وكىلى ەرجان بايتانايەۆ.
سونداي-اق ەرجان بايتانوۆ قازاقستاندىقتاردى الەۋمەتتىك جەلىدەگى اقپاراتتارعا سەنبەۋگە شاقىردى.
پىكىر قالدىرۋ