جاپپاي تارتىپسىزدىكتەردى ۇيىمداستىرۋداعى قىلمىستىق ارەكەتتەر ادام ولىمدەرىنە اكەپ سوقتى.

– قىلمىستىق ىستەر شەڭبەرىندە مىڭداعان كۇردەلى سوت ساراپتامالارى جۇرگىزىلدى. قاڭتار وقيعالارى كەزىندە 238 ادام قازا بولدى. ولاردىڭ ىشىندە قىلمىسكەرلەر، ءارى كىناسىز ادامدار دا بار. ءبىز ءاربىر فاكتىنى جان-جاقتى قاراۋدامىز. بۇگىنگى كۇنى ءبىز 176 ادامنىڭ قازا بولۋ ءمان-جايلارىن انىقتادىق جانە تەرگەۋ جالعاسۋدا، – دەدى باس پروكۋراتۋرانىڭ قىلمىستىق قۋدالاۋ قىزمەتى باستىعىنىڭ ورىنباسارى ەلدوس قيلىمجانوۆ ورتالىق  كوممۋنيكاسيالار  قىزمەتى الاڭىندا.

انىقتالعان ءمان-جايلاردىڭ ىشىندە الماتى قالاسى، الماتى، جامبىل جانە قىزىلوردا وبلىستارىندا قازا بولعان 19 قۇرىلىمدىق كۇش قىزمەتكەرلەرىنىڭ ءىسى بار.

– اتالعان قىزمەتكەرلەر قوعامدىق ءتارتىپ پەن مەملەكەتتىك وبەكتىلەردى قورعاۋدا ءوز قىزمەتتىك مىندەتتەرىن ورىنداۋدا قازا تاپتى، ال كەيبىرەۋلەرى جاپپاي ۇرىپ-سوعۋلارعا تاپ بولدى. قۇقىق قورعاۋ ورگاندارىنىڭ قىزمەتكەرلەرى ءوز بورىشتارىن اتقارىپ، جاپپاي ۇرىپ-سوعۋ، كولىك قۇرالدارىمەن باسىپ ءوتۋ سالدارىنان جانە قارۋسىز بولا تۇرا ولارعا تىكەلەي وق اتۋ ناتيجەلەرىندە قازا بولدى. ماسەلەن، الماتى قالاسى اكىمدىگىنىڭ عيماراتىن كۇزەتۋگە قاتىسقان، قارۋسىز اسكەري قىزمەتشى پودپولكوۆنيك حايروۆتىڭ ءولىمى كەزىندە ەرەكشە قاتىگەزدىك كورىنىس تاپتى. ونىڭ ءمايىتى عيماراتتىڭ شاتىرىندا انىقتالدى. زورلىق-زومبىلىقپەن ولتىرۋدەن كەيىن، قىلمىسكەرلەر ايعاقتاردى جاسىرۋ ءۇشىن دەنەسىن ورتەپ جىبەرگەن. 39 جاستاعى وفيسەردىڭ وتباسى مەن ەكى كامەلەتكە تولماعان بالالارى قالدى، – دەدى ەلدوس قيلىمجانوۆ.