سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ەڭبەك جانە حالىقتى الەۋمەتتىك قورعاۋ مينيسترلىگىمەن بىرگەن "ياندەكس GO" كومپانياسىنىڭ باس ديرەكتورى الەكساندر انيكينمەن كەزدەسىپ، ءبىرقاتار ماسەلەلەردى تالقىلاعانىن ءمالىم ەتتى.
ءمينيستردىڭ دەرەگىنشە، قازىرگى تاڭدا ياندەكس پلاتفورماسىندا 150 مىڭعا جۋىق ادام جۇمىس ىستەيدى.
كوبىنە بۇل كىسىلەر الەۋمەتتىك تۇرعىدا قورعالماعان، سەبەبى ولار تىركەلگەن تاكسوپاركتەردىڭ كەيبىرى ءتيىستى سالىق پەن اۋدارىمداردى تولەمەيدى. جۇمىسپەن قامتاماسىز ەتۋدىڭ پلاتفورمالىق نۇسقاسى كەڭ تارالىپ جاتقاندىقتان، مەملەكەت وسىنداي پلاتفورمالار ارقىلى تابىس تاباتىن ازاماتتاردى قولداۋ جاعىن ويلاستىرۋى كەرەك" دەگەن مينيستر ءوز تاراپىنان جۇرگىزۋشىلەرگە پلاتفورماعا تىكەلەي تىركەلۋ مۇمكىندىگىن بەرۋدى ۇسىنعانىن، سوندا مەملەكەت ولاردى الەۋمەتتىك تۇرعىدا قورعاي الاتىنىن اتاپ ءوتتى.
سوزىنشە، ءقازىر ياندەكس 63 قازاقستاندىق تاكسوپاركپەن جۇمىس ىستەپ جاتىر.
سونداي-اق كومپانيا باسشىسىمەن ياندەكسGO قوسىمشاcىن پايدالانۋ كەزىندە ازاماتتاردىڭ قاۋىپسىزدىگىن ءبىرىنشى ورىنعا قويۋ ماسەلەسىن تالقىلانعانىن، قوسىمشادا تىركەلگەن جۇرگىزۋشىلەردى سايكەستەندىرۋ جانە ولاردىڭ قۇجاتتارىنىڭ دۇرىستىعىن تەكسەرۋ ءۇشىن بيومەتريالىق جۇيەنى قولدانۋعا بولاتىنىن جەتكىزدى
"بۇل نە ءۇشىن كەرەك؟ ماسەلەن، بىرەۋلەردىڭ جۇرگىزۋشى كۋالىگى جوق نەمەسە بوگدە ادامدار ارقىلى تىركەلۋ وقيعالارى كەزدەسەدى. ەڭبەك جانە حالىقتى الەۋمەتتىك قورعاۋ مينيسترلىگى تاراپىنان ينۆاتاكسي قىزمەتىن مەملەكەتتىك بيۋدجەت قاراجاتى ەسەبىنەن قارجىلاندىرۋ بويىنشا ۇسىنىستار ايتىلدى. جالپى، وسى ماسەلەلەردى جان-جاقتى قاراستىرىپ، بارىنشا ءتيىمدى شەشىمدەر مەن تاسىلدەر ىزدەستىرەتىن بولدىق" دەدى مينيستر كەزدەسۋ قورىتىندىسى بويىنشا facebook-تە جازعان جازباسىندا.
پىكىر قالدىرۋ