قورعانىس مينيسترلىگى سوڭعى كەزدەرى كۇشتىك قۇرىلىمداردا وزىنە قول جۇمساۋ فاكتىلەرى جيىلەپ كەتۋىنە بايلانىستى مالىمدەمە جاسادى.
مينيسترلىك جاۋىنگەرلەردىڭ ءومىرى مەن دەنساۋلىعىنا وزدەرىمەن قاتار ۇقك شەكارا قىزمەتى، ءىىم ۇلتتىق ۇلانى، مەملەكەتتىك كۇزەت قىزمەتى جانە توتەنشە جاعدايلار مينيسترلىگى دە جاۋاپتى ەكەنىن ايتادى.
"وزىنە قول جۇمساۋ سياقتى شاراسىز قادامعا بارۋ ادامنىڭ تۋىستارى مەن جاقىندارى ءۇشىن ۇلكەن قايعى. كومانديرلەرگە دە جاۋىنگەردەن ايىرىلۋ اۋىر شىعىن. قارۋلى كۇشتەردە بولعان ءاربىر جاعدايدى اسكەري پوليسيا قىزمەتكەرلەرى جانە باسقا دا قىلمىستىق قۋدالاۋ ورگاندارى مۇقيات تەكسەرەدى. تەكسەرۋ ناتيجەلەرى وزىنە قول جۇمساۋ كوپ جاعدايدا اسكەري قىزمەت وتكەرۋمەن بايلانىستى ەمەس ەكەنىن كورسەتتى. اسكەرگە شاقىرۋعا دەيىنگى كەزەڭدە اسكەري قىزمەتشىلەردى وسىنداي ارەكەتكە يتەرمەلەيتىن ءار ءتۇرلى ومىرلىك جاعدايلار كەزدەسەتىنىن ەسكەرۋ كەرەك. قازىرگى ۋاقىتتا قورعانىس مينيسترلىگىنىڭ باستاماسىمەن عىلىم، قۇقىق قورعاۋ ورگاندارى مەن ۇكىمەتتىك ەمەس ۇيىمدار وكىلدەرىنىڭ قاتىسۋىمەن اسكەري ورتادا ورنى تولماس شىعىنداردى بارىنشا ازايتۋعا جانە ءسۋيسيدتىڭ الدىن الۋعا باعىتتالعان "ءومىردى ساقتا" كەشەندى باعدارلاماسى ازىرلەنىپ جاتىر" دەلىنگەن مينيسترلىك مالىمدەمەسىندە.
پىكىر قالدىرۋ