سولتۇستىك قازاقستان وبلىسىندا جاڭا وقۋ جىلىنىڭ قارساڭىندا 3 بالاعا دەيىن وقيتىن شاعىن كەشەندى مەكتەپتەر جابىلادى.
پەتروپاۆلوۆسك.news پورتالىنىڭ اقپاراتىنا سايكەس، جابىلعان نەمەسە مەكتەبى جوق اۋىلداردىڭ بالالارى ءۇشىن ارنايى اپارىپ، اكەلەتىن كولىك ۇيىمداستىرىلادى. كولىك مەكتەبى جوق 306 ەلدىمەكەنگە قاتىنايتىنى حابارلاندى. ونىڭ اياسىندا 2785 وقۋشى قامتىلماق. قازىرگى ۋاقىتتا 158 اۆتوكولىك بار، تاعى 29-ىن ساتىپ الۋ جوسپارلانىپ وتىر.
وبلىستا شاعىن كەشەندى مەكتەپتەر بارلىق مەكتەپتەردىڭ 77 پايىزىن قۇرايدى. ولاردا 3 پەن 40-50 وقۋشىعا دەيىن وقيدى. سوڭعى 10 جىلدا وبلىستا ءبىلىم مەكەمەلەرىنىڭ سانى 596-دان 464-كە دەيىن قىسقارعان. پەتروپاۆل قالاسىندا 10 جىلدا مەكتەپ سانى 47-دەن 41-گە دەيىن كەمىگەن.
پىكىر قالدىرۋ