رەسپۋبليكانىڭ بارلىق وڭىرىندە جاپپاي ەگىن جيناۋ ناۋقانى باستالدى. بۇگىندە بارلىعى 2،2 ملن گا ءداندى جانە ءداندى-بۇرشاقتى داقىل (13،9%) جينالدى. بۇل – بارلىق القاپتىڭ 13 پايىزى، دەدى اۋىل شارۋاشىلىعى ءمينيسترى ەربول قاراشوكەيەۆ ۇكىمەت وتىرىسىندا.

ورتاشا ونىمدىلىك گەكتارىنا 14،6 سەنتنەردى قۇراعان. قازىرگە دەيىن 3،3 ملن توننا استىق باستىرىلعان.

بيىل اۋىل شارۋاشىلىعى داقىلدارى جينالعان الاڭ 23،4 ملن گەكتاردى قۇرادى، بۇل – 2021 جىلمەن سالىستىرعاندا 387،1 مىڭ گەكتارعا ارتىق.

مينيسترلىك مالىمەتىنشە، استىق جيناۋدان كۇتىلەتىن كولەم رەسپۋبليكانىڭ ىشكى قاجەتتىلىگىن تولىق قامتاماسىز ەتۋ، سونداي-اق استىقتىڭ بەلگىلى ءبىر كولەمىن ەكسپورتقا وتكىزۋ جانە ءداستۇرلى نارىقتارداعى ساۋدا پوزيسيالارىن ساقتاۋ ءۇشىن جەتكىلىكتى.