تۇركىستان وبلىسىنىڭ اكىمى ءومىرزاق شوكەيەۆ وتستاۆكاعا ءوتىنىش بەردى.

ورتالىق كوممۋنيكاسيالار قىزمەتىندە وتكەن بريفينگتە ءومىرزاق شوكەيەۆ "كەنتاۋ اكىمىنىڭ قىلمىسى دالەلدەنسە، وتستاۆكاعا كەتۋگە دايىنمىن" دەگەن بولاتىن. بۇگىن تۇركىستان وبلىسى اكىمدىگىنىڭ باسپا ءسوز قىزمەتى شوكەيەۆتىڭ وتستاۆكاعا ءوتىنىش بەرگەنىن راستادى. ال، نەگىزگى شەشىمدى پرەزيدەنت قابىلدايتىن بولادى.

بيىلعى 23 اقپاندا كەنتاۋ قالاسىنىڭ اكىمى اسا ءىرى كولەمدە پارا الدى دەگەن كۇدىككە ىلىنگەن بولاتىن. ول ءوزىنىڭ سەنىمدى تۇلعالارى ارقىلى مەملەكەتتىك-جەكەمەنشىك ارىپتەستىك اياسىندا قالاداعى اۆتوكولىك جولدارىن جوندەۋمەن اينالىساتىن سەرىكتەستىك ديرەكتورىنان 98 500 اقش دوللارىن (42 ملن 500 مىڭ تەڭگە) الدى دەگەن ايىپپەن 10 جىلعا سوتتالعان بولاتىن. ال، كەشەگى كۇنى الماتى قالالىق سوتى سوتتالۋشىنىڭ اپەللياسيالىق شاعىمىن قاراپ، ونى قاناعاتتاندىرۋسىز قالدىرعان.

دەرەككوز: inform.kz