جاقىندا عانا وتستاۆكاعا ءوتىنىش بەرگەن ءومىرزاق شۇكەيەۆتىڭ ورنىنا تۇركىستان وبلىسىنىڭ اكىمى بولىپ قازاقستاننىڭ وزبەكستانداعى ەلشىسى قىزمەتىن اتقارعان دارحان ساتىبالدى تاعايىندالدى.
"دارحان امانگەلدى ۇلى ساتىبالدى تۇركىستان وبلىسىنىڭ اكىمى بولىپ تاعايىندالسىن، ول قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنان بوساتىلسىن" دەلىنگەن اقوردا حابارلاماسىندا.
دارحان ساتىبالدى 2010-2011 جىلدارى ۇقك-دە، 2011-2013 جىلدارى پرەمەر-مينيستر كەڭسەسىندە ىستەگەن. 2013 جىلدان باستاپ ەكى جىل شىمكەنت قالاسىنباسقارعان. 2015-2017 جىلدارى وڭتۇستىك قازاقستان وبلىسى اكىمىنىڭ ءبىرىنشى ورىنباسارى بولعان. 2019 جىلى ناۋرىزدا قازاقستاننىڭ وزبەكستانداعى ەلشىسى بولىپ تاعايىندالعان.
ءومىرزاق شۇكەيەۆ اسا ءىرى كولەمدە پارا الدى دەپ ايىپتالعان كەنتاۋ قالاسى اكىمىنىڭ ءىسى بويىنشا سوت شەشىمى شىققاندىقتان، زاڭعا ساي 26 تامىزدا وتستاۆكاعا ءوتىنىش بەرگەن. پرەزيدەنت ونىڭ وتستاۆكاسىن قابىلدادى.
پىكىر قالدىرۋ