ءبىر جىلدا قولدانىستاعى پاتەر باعاسى 25،8 پايىزعا، جاڭا تۇرعىن ۇيلەر قۇنى 18،1 پايىزعا وسكەن. تۇرعىن ءۇيدى جالعا الۋ ءبىر جىلدا 31،8 پايىزعا ارتقان. بۇل تۋرالى ستاتيستيكا بيۋروسى حابارلاپ وتىر.

بيۋرو مالىمەتىنشە، جاڭا ۇيلەر قىمباتشىلىعى اسىرەسە اقتوبە قالاسىندا (32،5%)، نۇر-سۇلتاندا (27،6%)، قوستانايدا (26،3%) بايقالعان.

قولدانىستاعى باسپانا ساۋداسىندا باعا قىزىلوردا (48،4%)، نۇر-سۇلتان (40،8%)، وسكەمەن (39،9%)، تالدىقورعان (36،5%) قالالارىندا اسپانداپ تۇر.

تۇرعىن ءۇيدى جالعا الۋ جونىنەن ەڭ قىمبات قالا – الماتى. وڭتۇستىك استانادا ءبىر جىلدا پاتەردى جالعا الۋ قۇنى 62،5% پايىزعا كوتەرىلگەن.

تامىز ايىندا ەكىنشى نارىقتاعى باسپانا باعاسى 0،4 پايىزعا قىمباتتاسا، جاڭا نارىقتاعى ءۇي باعاسى 0،1 پايىزعا ارزانداعان.

ال جالعا الۋ ءبىر ايدا كۇرت ءوسىپ، 12،4 پايىزعا قىمباتتاعان.