رەسەيدىڭ ماسكەۋ، سانكت-پەتەربۋرگ جانە كولپينو قالاسىنىڭ 18 مۋنيسيپالدىق دەپۋتاتى پرەزيدەنت ۆلاديمير ءپۋتيننىڭ وتستاۆكاسىن تالاپ ەتىپ، جاريا ۇندەۋ تاستادى. ۇندەۋدى پەتەربۋرگكە قاراستى "سەمەنوۆسكيي" مۋنيسيپالدىق وكرۋگىنىڭ دەپۋتاتى كسەنيا تورسترەم Twitter-دە جاريالادى، دەپ جازادى نەمىستىڭ Deutsche Welle باسىلىمى.
تورسترەم وزگە مۋنيسيپالدىق دەپۋتاتتاردى ۇندەۋگە قوسىلۋعا شاقىرعان.
"ءبىز، رەسەيدىڭ مۋنيسيپالدىق دەپۋتاتتارى، پرەزيدەنت ۆ.ۆ.ءپۋتيننىڭ ارەكەتى رەسەي بولاشاعى مەن ازاماتتارىنا زيانىن تيگىزەدى دەپ سانايمىز، سوندىقتان ۆلاديمير پۋتين رەسەي فەدەراسياسىنىڭ پرەزيدەنتى لاۋازىمىنان كەتۋى تالاپ ەتەمىز" دەلىنگەن ۇندەۋ ماتىنىندە.
وسىعان ۇقساس ۇندەۋ وتكەن اپتادا دا جاسالعان. 7 قىركۇيەكتە سانكت-پەتەربۋرگكە قاراستى سمولنينسكوە مۋنيسيپالدىق وكرۋگىنىڭ دەپۋتاتتار كەڭەسى مەملەكەتتىك دۋماعا ۇندەۋ تاستاعان. ول جەردە ءپۋتيندى مەملەكەتكە وپاسىزدىق جاسادى دەپ تاۋىپ، قىزمەتىنەن شەتتەتۋگە شاقىرعان.
8 قىركۇيەكتە باستامانى قولداعان دەپۋتاتتاردىڭ ءبىرى وزدەرىن پوليسيا شاقىرىپ جاتقانىن حابارلاعان.
پىكىر قالدىرۋ