قوستاناي وبلىسىنىڭ پروكۋراتۋراسى وڭىردەگى ورتكە بايلانىستى باسامان ورمان شارۋاشىلىعى مەكەمەسى باسشىلىعىن لاۋازىمدىق وكىلەتتىكتەرىن تەرىس پايدالانۋ فاكتىلەرى بويىنشا تەرگەۋ باستالعانىن حابارلادى.

پروكۋراتۋرا كۇدىكتىنىڭ ءاتى-جونىن جاريالامادى، تەك مەكەمە باسشىسى 13 قىركۇيەك كۇنى ۇستالىپ ۋاقىتشا ۇستاۋ يزولياتورىنا قامالعانىن ءمالىم ەتتى.

15 قىركۇيەكتە مەكەمە باسشىسىن كۇزەتپەن ۇستاۋ تۇرىندەگى بۇلتارتپاۋ شاراسىنا سانكسيا بەرىلگەن. 

2 قىركۇيەكتە قوستاناي وبلىسىندا باستالعان ورمان ءورتى 40 مىڭ شارشى مەتردەن استام اۋماققا تارالىپ، ءورت سوندىرۋشىلەر ءتىلسىز جاۋمەن بىرنەشە كۇن ارپالىسقان. ءورت بولعان اۋىلداردان 1800-دەي ادام كوشىرىلىپ، امانقاراعاي اۋىلىندا ءبىر ادام قازا تاپقان. ءورت كەزىندە 91 تۇرعىن ءۇي زارداپ شەككەن.