ەڭبەك جانە حالىقتى الەۋمەتتىك قورعاۋ مينيسترلىگى قازاقستانداعى زەينەتاقىنىڭ ورتاشا مولشەرىن اتادى.
مينيسترلىك مالىمەتىنشە، وسى جىلدىڭ 8 ايىندا قازاقستاندىقتارعا 1،9 ترلن تەڭگەدەن استام سوماعا زەينەتاقى تولەنگەن. 2022 جىلعى تامىزدا رەسپۋبليكالىق بيۋدجەتتەن زەينەتاقى تولەمدەرىنە 244،1 ملرد تەڭگە، ونىڭ ىشىندە بازالىق زەينەتاقىنى تولەۋگە – 74،2 ملرد تەڭگە، ىنتىماقتى زەينەتاقىنى تولەۋگە 169،9 ملرد تەڭگە بولىنگەن.
"2022 جىلعى 1 قىركۇيەكتەگى جاعداي بويىنشا زەينەتاقى تولەمدەرىنىڭ ورتاشا مولشەرى بازالىق زەينەتاقى تولەمىن ەسكەرە وتىرىپ، 109 224 تەڭگە بولدى" دەلىنگەن حابارلامادا.
پىكىر قالدىرۋ