"جالپى، سوڭعى ءۇش جىلدا جاسالعان وزگەرىستەر مەن كونستيتۋسيالىق رەفورما مەملەكەتتىك-ساياسي قۇرىلىمنىڭ جاڭا ۇلگىسىن قالىپتاستىردى. حالىق ءبىزدىڭ ساياسي جۇيەنى وزگەرتۋ تۋرالى جوسپارىمىزدىڭ ءمان-ماڭىزىن جاقسى ءتۇسىنىپ وتىر. سوندىقتان مەن بۇعان دەيىن ايتىلعان سايلاۋدىڭ مەرزىمىنە جانە اتا زاڭنىڭ تالاپتارىنا سايكەس، قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن 2022 جىلعى 20 قاراشادا وتكىزۋ تۋرالى جارلىققا قول قويدىم. وسى ناۋقان ەلدىڭ بۇكىل ساياسي جۇيەسىن تۇبەگەيلى وزگەرتەتىن سايلاۋ كەزەڭىن باستاپ بەرەدى. سول ارقىلى ەكونوميكانى تۇراقتى دامىتۋدى، حالىقتىڭ ءال-اۋقاتىن ارتتىرىپ، تۇرمىس ساپاسىن جاقسارتۋدى كوزدەيتىن ۇزاق مەرزىمدى مىندەتتەردى جۇزەگە اسىرۋعا مۇمكىندىك تۋادى" دەگەن ول كوپ ۇزاماي قوعامعا سايلاۋ الدىنداعى تۇعىرناماسىن ۇسىناتىنىن حابارلادى.
پىكىر قالدىرۋ