پارلامەنت ءماجىلىسىنىڭ ەكس-سپيكەرى نۇرلان ءنىعماتۋليننىڭ ءىنىسى ەرلان نىعماتۋلين الاياقتىق جاسادى، سالىق پەن كەدەندىك تولەمدەردى تولەۋدەن جالتاردى، قارجى جىلىستاتتى دەگەن كۇدىككە ءىلىندى، دەپ جازادى chinovnik_kz telegram-ارناسى.
"كەي دەرەكتەردە قۇقىق قورعاۋ ورگاندارىنىڭ نۇرلان نىعماتۋلينگە دە ءبىرقاتار سۇراقتارى بار ەكەنى ايتىلعان. الايدا ول قايدا ەكەنى ازىرگە بەلگىسىز. سوڭعى رەت 7 قىركۇيەك كۇنى ول باا-گە كەتكەنى جونىندە اقپارات تاراعان ەدى" دەلىنگەن حابارلامادا.
بۇعان دەيىن ادۆوكات ماۋلەن الىمبايەۆ نۇرلان نىعماتۋلين مەن ونىڭ ەگىز ءىنىسى ەرلان "رەيدەرلىك" بابى بويىنشا قوزعالعان قىلمىستىق ءىستىڭ ايىپتالۋشىسى رەتىندە تانىلعانىن حابارلاعان.
ادۆوكات تامىز ايىندا وتكەن باسپا ءسوز ماسليحاتىندا قىلمىستىق ءىس ەكى ءىرى كاسىپكەر قۋات سۇلتانبەكوۆ پەن ەرلان ءنىعماتۋليننىڭ قارىم-قاتىناسىنا قاتىستى ەكەنىن ايتقان. ءساۋىر ايىنان باستاپ انتيكور تەرگەۋ جۇمىستارىن جۇرگىزگەن. ەرلان نىعماتۋلين رەيدەرلىك جولمەن سۇلتانبەكوۆكە تيەسىلى دەمالىس ورنىن تارتىپ العانى حابارلاندى.
2012 جىلى ەرلان نىعماتۋلينمەن بولعان جانجالدان سوڭ بالقاشتىق كاسىپكەر قۋات سۇلتانبەكوۆ تۇرمەگە ءتۇسىپ، 21 جىلعا باس بوستاندىعىنان ايىرىلعان. ءقازىر ول 10 جىلىن جازاسىن وتەدى.
پىكىر قالدىرۋ