الماتى قالاسى قازاقستان حالقى اسسامبلەياسى ءتوراعاسىنىڭ ورىنباسارى، "يلداش" تاتار مادەني ورتالىعىنىڭ ءتورايىمى نيازوۆا نۋريا يسماگيلوۆنا الماتى قالاسى ءبىلىم باسقارماسىنىڭ "ومىردە قيىن جاعدايعا تاپ بولعان بالالاردى قولداۋ ورتالىعى" كمم-نىڭ بالالارىنا مەدەۋ-شىمبۇلاق ەكسكۋرسياسىن وتكىزدى. وعان 20-عا جۋىق تاربيەلەنۋشى قاتىستى، دەپ حابارلادى الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى.
بۇل ءىس-شارانىڭ باستى ماقساتى - بالالارعا سۇيىكتى قالاسىنىڭ باستى كورىكتى جەرلەرىنىڭ ءبىرىن كورسەتۋ، سونداي-اق ونىڭ تاريحىمەن تانىستىرۋ. كەزدەسۋ وتە قىزىقتى جانە تانىمدى بولدى.
بالالار ءۇشىن ارنايى باعدارلاما دايىندالدى. "شىمبۇلاق" بازالىق ستانسياسى بويىنشا ەكسكۋرسيا ۇيىمداستىرىلىپ، "Dadli" مەيرامحاناسىندا تۇسكى اس بەرىلدى. سونداي-اق "ءوزىڭىز جانە تابيعات ءۇشىن تاۋعا قالاي ءقاۋىپسىز بارۋعا بولادى" تاقىرىبىندا ءدارىس وقىلدى.
ءىس-شارانى ۇيىمداستىرۋشى نيازوۆا نۋريا يسماگيلوۆنا "شىمبۇلاق" تاۋ-شاڭعى كۋرورتىنىڭ اكىمشىلىگىنە قولداۋ كورسەتكەنى ءۇشىن العىسىن ءبىلدىرىپ، وسىنداي كەزدەسۋلەر مەن بالالاردىڭ قالانىڭ كورىكتى جەرلەرىمەن تانىسۋى ولاردىڭ بويىندا پاتريوتتىق سەزىمدى، ءوز ولكەسىنە دەگەن ماقتانىش سەزىمىن دامىتۋعا كومەكتەسەتىنىن اتاپ ءوتتى. بالكىم، بۇل بولاشاق ماماندىققا تاڭداۋ جاساۋعا سەپتىگىن تيگىزە مە، كىم ءبىلسىن.
پىكىر قالدىرۋ