"بالالار – ءبىزدىڭ بولاشاعىمىز، ءبىلىمدى بالالار – ەل بولاشاعى" وسىنداي ۇرانمەن الماتى قالاسى قازاقستان حالقى اسسامبلەياسىنىڭ ازەربايجان ەتنومادەني بىرلەستىگى جىل سايىنعى "مەكتەپكە جول" اكسياسىن قولدادى.

ءىس-شارانى ازەربايجاندار قاۋىمداستىعىنىڭ الماتى قالالىق فيليالىنىڭ ءتوراعاسى سادييەۆ گاحرامان اشىپ، بالالاردى جاڭا وقۋ جىلىنىڭ باستالۋىمەن جانە كونستيتۋسيا كۇنىمەن قۇتتىقتادى. ءازىربايجان ايەلدەرى كوميتەتىنىڭ ءتوراعاسى مامەدوۆا دجەيران دا بالالارعا قۇتتىقتاۋ ءسوز سويلەدى.

1-6 سىنىپ ارالىعىنداعى مەكتەپ جاسىنداعى بالالارعا قاجەتتى كەرەك-جاراقتارى بار ريۋكزاكتار تابىس ەتىلدى جانە ماتەريالدىق-قارجىلىق كومەك كورسەتىلدى.

پورتفەل ساتىپ الۋعا، ماتەريالدىق كومەك الۋعا، مەكتەپ كەرەك-جاراقتارىن ساتىپ الۋعا قاراجات جيناۋعا ايەلدەر كوميتەتىنىڭ مۇشەسى وسپانوۆا شارگيا حانىم، كاسيموۆ ماحمۋدبەك، اعايىندى وسپانوۆ جاستار قاناتىنىڭ مۇشەلەرى، الييەۆا كامال حانىم، كەنجينا ناسيحات حانىم، مامەدوۆا مايا حانىم، ورۋجيەۆا سيەۆينچ حانىم، يسكانداروۆا ەلنارا حانىم قاتىستى، ولار سونداي-اق بالالار ءتىزىمىن جاساۋعا كومەكتەستى.

سونداي-اق، بالالارعا "ازەربايجاندار قاۋىمداستىعى" رقب ءتوراعاسىنىڭ ءبىرىنشى ورىنباسارى مامەدوۆ اللاحۆەردى مۋالليم، قالالىق فيليالدىڭ ءتوراعاسى سادييەۆ گاحرامان مۋالليم، قاۋىمداستىق اكتيۆىنىڭ مۇشەسى ماممادوۆ شابان قارجىلاي كومەك كورسەتتى.

ايتا كەتۋ كەرەك، ازەربايجان ورتالىعى جىل سايىن از قامتىلعان جانە كوپ بالالى وتباسىلاردان شىققان بالالارعا كومەك كورسەتە وتىرىپ، وسى اكسيانى وتكىزەدى.

الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى