قالالىق دوستىق ۇيىندە الماتى قالاسى قازاقستان حالقى اسسامبلەياسىنىڭ ەتنومادەني بىرلەستىكتەرى مەن قوعامدىق قۇرىلىمدارىنىڭ ۇيىمداستىرۋىمەن پرەزيدەنت قاسىم-جومارت توقايەۆتىڭ 1 قىركۇيەكتە جاريالانعان "ادىلەتتى مەملەكەت. ءبىرتۇتاس ۇلت. بەرەكەلى قوعام" جولداۋىن تالقىلاۋ جانە جۇزەگە اسىرۋ بويىنشا جيىن ءوتتى. 

2022 جىلعى 1 قىركۇيەكتە مەملەكەت باسشىسى  پارلامەنت پالاتالارىنىڭ بىرلەسكەن وتىرىسىندا ءسوز سويلەدى. توقايەۆ ءوز ۇندەۋىندە ەلدىڭ الەۋمەتتىك-ەكونوميكالىق دامۋىنا باسىم نازار اۋدارۋ كەرەكتىگىن ايتتى. 

وتىرىس قحا حاتشىلىعى، الماتى قالاسى قوعامدىق دامۋ باسقارماسىنىڭ "قوعامدىق كەلىسىم" كمم وكىلدەرىنىڭ، ەتنومادەني بىرلەستىكتەردىڭ باسشىلارى مەن مۇشەلەرىنىڭ، قحا قوعامدىق قۇرىلىمدارى وكىلدەرىنىڭ (انالار كەڭەسى، "اسامبلەيا جاستارى" قب، جۋرناليستەر كلۋبى،  قازاقستان حالقى اسسامبلەياسى كافەدراسى)، "الماتى تۆ" تەلەارناسىنىڭ ءجۋرناليستى مەن وپەراتورىنىڭ قاتىسۋىمەن ءوتتى. اتالعان جيىنعا بارلىعى 30 ادام قاتىستى. 

جيىندا الماتى قالاسى قحا حاتشىلىعىنىڭ مەڭگەرۋشىسى جانە ەتنوسارالىق قاتىناستاردى دامىتۋ ءبولىمىنىڭ باسشىسى ن:ا. بالعىمبايەۆ،  الماتى قالاسى قازاقستان حالقى اسسامبلەياسى ءتوراعاسىنىڭ ورىنباسارى،  "قازاقستاندىق ورىس مادەنيت ورتالىعى" قوعامدىق بىرلەستىگىنىڭ الماتى قالاسىنداعى فيليالىنىڭ ءتوراعاسى ۆ.ا.لۋكاشيەۆ، الماتى قالاسى قازاقستان حالقى اسسامبلەياسى ءتوراعاسىنىڭ ورىنباسارى، "يلداش" تاتار گۋمانيتارلىق دامۋ ورتالىعىنىڭ باسشىسى ن.ي. نيازوۆا، الماتى قالاسى قازاقستان حالقى اسسامبلەياسىنىڭ عىلىمي-ساراپتامالىق توبى ءتوراعاسىنىڭ ورىنباسارى، مۇحتار اۋەزوۆ اتىنداعى ادەبيەت جانە ونەر ينستيتۋتى حالىقارالىق بايلانىستار جانە الەمدىك ادەبيەت ءبولىمىنىڭ مەڭگەرۋشىسى س.ۆ.انانيەۆا، قونايەۆ اتىنداعى ەۋرازيالىق زاڭ اكادەمياسىنىڭ قازاقستان حالقى اسسامبلەياسى كافەدراسىنىڭ مەڭگەرۋشىسى، الماتى قالاسىنداعى قحا عىلىمي-ساراپتاما توبىنىڭ مۇشەسى ب.ز.باتتالحانوۆ،  الماتى قالاسى قازاقستان حالقى اسسامبلەياسى جانىنداعى جۋرناليستەر كلۋبىنىڭ ءتوراعاسى، "Deutsche Allgemeine Zeitung"نەمىس رەسپۋبليكالىق گازەتىنىڭ باس رەداكتورى و.س.كليمەنكو، قازاقستان حالقى اسسامبلەياسىنىڭ مۇشەسى، قازاقستان ۇيعىر جاستارى وداعىنىڭ ءتوراعاسى ر.ا.قايرييەۆ،  "يرنىحاس" وسەتينسك مادەني اعارتۋ ورتالىعىنىڭ ءتوراعاسى ك.ۆ.مامسۋروۆ ءسوز سويلەپ، پرەزيدەنت جولداۋىن تالقىلاۋعا قاتىستى.

ءىس-شارا بارىسىندا قاتىسۋشىلار مەملەكەت باسشىسىنىڭ قازاقستان حالقىنا جولداۋىندا ايتىلعان باسىم باعىتتار جونىندە پىكىر الماستى. وتىرىس قورىتىندىسى بويىنشا الماتى قالاسىنىڭ قازاقستان حالقى اسسامبلەياسىنىڭ وكىلدەرى مەملەكەت باسشىسىنىڭ باستامالارىن قولداۋعا جانە قحا ەتنومادەني بىرلەستىكتەرى مەن قوعامدىق قۇرىلىمدارى مۇشەلەرى اراسىندا ءتۇسىندىرۋ جۇمىستارىن جۇرگىزۋگە دايىن ەكەندىكتەرىن ءبىلدىردى.

الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى