الماتى قالاسىنداعى "اسسامبلەيا جاستارى" رقب وكىلدەرى قاسىم-جومارت توقايەۆتىڭ قازاقستان حالقىنا جولداۋىن تالقىلاۋعا ارنالعان دوڭگەلەك ۇستەل وتكىزدى. جيىن اياسىندا جاس قوعام بەلسەندىلەرى، وقىتۋشىلار، دارىگەرلەر، كاسىپكەرلەر، ەتنومادەني بىرلەستىك پەن جاستار قاناتىنىڭ كوشباسشىلارى، قحا جاستار قۇرامىنا كىرەتىن ستۋدەنتتەر، ەرىكتىلەر پرەزيدەنت جولداۋىنىڭ كوپتەگەن باعىتتارىن ىسكە اسىرۋ جونىندە پىكىر الماستى.
ءىس-شاراعا "اسسامبلەيا جاستارى" رقب ءتوراعاسى، قحا كەڭەسىنىڭ مۇشەسى تيمۋر جۇمىربايەۆ، قازاقستان ۇيعىر جاستارى وداعىنىڭ ءتوراعاسى رۋستام قايرييەۆ، "اسسامبلەيا جاستارى" رقب الماتى قالاسىنداعى وكىلدىگىنىڭ ءتوراعاسى اننا توروسيان،قازاقستان كارىستەرى جاستار قوزعالىسىنىڭ ءتوراعاسى يگور لي،"اريانا" اۋعان ورتالىعى جاستار قاناتىنىڭ ءتوراعاسى ومار مۋحاممەدسارۋار،"ۆايناح" شەشەن-ينگۋش ورتالىعى جاستارىنىڭ وكىلى يسلام ساگوۆ،الماتى قالاسىنداعى جوعارى وقۋ ورىندارىنداعى "اسسامبلەيا جاستارى" وكىلدىكتەرىنىڭ ءتوراعاسى اسەم ساتىلعانوۆا قاتىستى.
دوڭگەلەك ۇستەلگە قاتىسۋشىلار مەملەكەت باسشىسى ءسوز ەتكەن كوپتەگەن تاقىرىپتاردى، مىسالى، سينتەتيكالىق ەسىرتكىنىڭ تارالۋىنا قارسى كۇرەستەگى ەرىكتىلەردىڭ ۇلەسى، جاستاردى قولداۋدىڭ نەگىزگى باعىتتارى، بالالارعا قولداۋ كورسەتۋ، كاسىپكەرلىكتى جۇيەلى قولداۋدى ءتۇسىندىرۋ، مەديسينالىق قىزمەتتەردىڭ ساپاسىن دامىتۋ، ستۋدەنتتەر ءۇشىن الەۋمەتتىك جاعدايلاردى دامىتۋ ماسەلەلەرىن تالقىلادى.
دوڭگەلەك ۇستەل سوڭىندا بەلسەندىلەر پرەزيدەنتتىڭ قازاقستان حالقىنا جولداۋىن قولداۋ ماقساتىندا كەلەسى مازمۇنداعى مالىمدەمە جاسادى:
– "اسسامبلەيا جاستارى" رقب الماتى قالاسى بويىنشا وكىلدىگى پرەزيدەنتتىڭ قازاقستان حالقىنا جولداۋىن قولدايدى. ءقازىر ەلدە تاريحي سيپاتتاعى ساياسي رەفورمالار ءجۇرىپ جاتىر. پرەزيدەنت جولداۋى ەلىمىزدىڭ ساپالى الەۋمەتتىك-ەكونوميكالىق دامۋىنا جول اشتى.بارلىق جوسپارلانعان وزگەرىستەر جاڭا، ادىلەتتى قازاقستان قۇرىلىسىنىڭ قارقىندى دامۋىنا سەپتىگىن تيگىزەتىنىنە سەنىمدىمىز. جولداۋدا قازاقستان قوعامىنىڭ ءال-اۋقاتىنىڭ وسۋىنە زور الەۋەت بەرەتىن رەسپۋبليكامىزدىڭ ساياسي، ەكونوميكالىق جانە الەۋمەتتىك جۇيەلەرىنە جاڭعىرتۋلار ۇسىنىلعان. ءبىزدىڭ ەلىمىزدىڭ باستى قۇندىلىعى قازاقستاننىڭ تۇراقتى بولاشاعىنا ستراتەگيالىق ينۆەستيسياسى باسىم ادامدار بولىپ تابىلادى. جولداۋدا ايتىلعان مەملەكەت باسشىسىنىڭ باستامالارىنىڭ توڭىرەگىندە بارشا قازاقستاندىقتار بىرىگىپ جۇمىس ىستەۋى ماڭىزدى.
الماتى قالاسى "قوعامدىق كەلىسىم" مەكەمەسىنىڭ باسپا ءسوز قىزمەتى
پىكىر قالدىرۋ