فينليانديا 30 قىركۇيەكتەن باستاپ رەسەيمەن شەكارانى جاپپاق. بۇل تۋرالى Yle جەرگىلىكتى مەملەكەتتىك تەلەراديوكومپانياسى حابارلادى.
بۇگىن وتكەن فين ۇكىمەتىنىڭ وتىرىسىندا قاۋلى قابىلعانعان. وعان ساي، رەسەيلىكتەر ەندى فينلياندياعا تۋريستىك ساپار جاساي المايدى. ءتىپتى وزگە ەلگە بارۋ ءۇشىن دە فين شەكاراسىنان وتە المايدى. فينلياندياعا رەسەيدەن تەك گۋمانيتارلىق سەبەپپەن عانا كىرۋگە رۇقسات ەتىلمەك.
فين ۇكىمەتى رەسەيدەن اعىلعان ازاماتتار فينليانديانىڭ شەنگەن كودەكسىنە نەگىزدەلگەن حالىقارالىق قارىم-قاتىناسىنا نۇقسان كەلتىرەدى دەپ سانايدى.
رەسەيدەگى موبيليزاسيادان كەيىن كورشى ەلدەرمەن شەكتەسەتىن شەكارالارىنىڭ بارلىعىندا ەلدەن شىققىسى كەلگەندەردىڭ بىرنەشە شاقىرىمعا سوزىلعان كەپتەلىسى ءالى سەيىلگەن جوق. رەسەيلىكتەردىڭ شەتەل اسۋىن توقتاتۋ ءۇشىن ءتۇرلى كرەمل دە شارا قابىلداپ جاتىر.
ماسەلەن، رەسەيدىڭ استراحان وبلىسىنىڭ قازاقستانمەن شەكارا بەكەتىندە موبيليزاسيالىق پۋنكت اشىلماق. ال كەشە فينليانديامەن شەكاراداعى "تورفيانوۆكا" بەكەتىندە شاقىرۋ پۋنكتى اشىلعان. گرۋزيامەن شەكارداعى "ۆەرحنيي لارس" بەكەتىندە ازاماتتار شەكارانى زاڭسىز كەسىپ وتۋگە تىرىسقان جاعدايعا دەپ وق وتكىزبەيتىن اسكەري تەحنيكا قويىلعان. سولتۇستىك وسەتيادا ءتىپتى ەلدەن شىعۋعا شەكتەپ قويىلدى.
پىكىر قالدىرۋ