ءماجىلىس سپيكەرى ەرلان قوشانوۆ قازاقستان رەسپۋبليكاسىنىڭ پرەزيدەنتى قاسىم-جومارت توقايەۆتىڭ تاپسىرماسىمەن IV دۇنيەجۇزىلىك كوشپەندىلەر ويىندارىنىڭ سالتاناتتى اشىلۋ راسىمىنە قاتىستى.

كوشپەندىلەر ويىندارىنا الەمنىڭ 102 ەلىنەن 3 مىڭنان استام سپورتشى قاتىسۋدا. قازاقستاننىڭ اتىنان 50 سپورتشى سايىستىڭ بەس تۇرىنەن ب ا ق سىناسادى. ولار – كوكپار، قازاق كۇرەسى، ءداستۇرلى ساداق اتۋ، جامبى اتۋ، كوك ءبورى.

ءماجىلىس ءتوراعاسى ءدۇبىرلى دودا الدىندا قازاقستان قۇراما كومانداسى مۇشەلەرىمەن ارنايى كەزدەستى. ولارعا مەملەكەت باسشىسىنىڭ جىلى لەبىزءىن جەتكىزىپ، جەڭىس تىلەدى.

ءماجىلىس سپيكەرى دۇنيەجۇزىلىك كوشپەندىلەر ويىندارى باۋىرلاس ەلدەردىڭ مادەني بايلانىستارىن كۇشەيتىپ، تۇركى الەمىنىڭ ورتاق قۇندىلىقتارىن الەمگە پاش ەتۋدە ماڭىزى زور ەكەنىن اتاپ ءوتتى.

– ءقازىر كۇللى قازاقستان حالقى سىزدەرگە جانكۇيەر بولىپ وتىر. قورجىندارىڭىز التىنعا تولسىن. قازاق سپورتشىلارىنىڭ قانداي مىقتى ەكەنىن ءدۇبىرلى دودادا دالەلدەپ، ەل ابىرويىن اسقاقتاتا بەرىڭىزدەر، – دەدى ءماجىلىس سپيكەرى.

ءىس-شارا اياسىندا ەرلان قوشانوۆ تۇركيا رەسپۋبليكاسىنىڭ پرەزيدەنتى رەجەپ تاييپ ەردوعانمەن كەزدەستى. ءماجىلىس ءتوراعاسى اتاجۇرتتان قازاقستان پرەزيدەنتى قاسىم-جومارت توقايەۆتىڭ جىلى لەبىزى مەن زور ىقىلاسىن جەتكىزىپ، تۇركيادا العاش رەت وتكىزىلىپ جاتقان دۇنيەجۇزىلىك كوشپەندىلەر ويىندارىنىڭ سالتاناتتى اشىلۋىمەن قۇتتىقتادى.

– جىل وتكەن سايىن ءبىزدىڭ مەملەكەتتەرىمىز اراسىنداعى ىنتىماقتاستىق ارتىپ كەلە جاتىر. بۇل ءوءزىڭءىزدىڭ قازاقستان پرەزيدەنتى قاسىم-جومارت توقايەۆپەن دوستىق قارىم-قاتىناستارىڭىز بەن جەمىستى ديالوگتىڭ ناتيجەسى دەپ بىلەمىن.  وسى ورايدا ءسىزدىڭ وسى جىلعى قازان ايىنا جوسپارلانعان قازاقستانعا ساپارىڭىزدى اسىعا كۇتۋدەمىز. بۇل ساپار باۋىرلاس ەلدەرءىمىزدىڭ اراسىنداعى تىعىز قارىم-قاتىناستى جاڭا دەڭگەيگە كوتەرىپ، ودان ءارى نىعايۋىنا زور مۇمكىندىك تۋعىزاتىنىنا سەءنىمدىمىز، – دەدى ەرلان قوشانوۆ.

ءوز كەزەگىندە، تۇركيا پرەزيدەنتى قازاقستاننىڭ تۇركى الەمى مەن تۇركى مەملەكەتتەرى ۇيىمىنداعى ماڭىزدى ءرولىن اتاپ ءوتىپ، ءماجىلىس سپيكەرىنە IV ءدۇنيەجۇزىلىك كوشپەندىلەر ويىندارىنىڭ اشىلۋىنا قاتىسقانى ءۇشىن ريزاشىلىعىن ءبىلدىردى.

– قازاقستانداعى تۇراقتىلىق بۇكىل ءوڭىر ءۇشىن ماڭىزدى. بۇل ورايدا پرەزيدەنت قاسىم-جومارت توقايەۆتىڭ جۇرگىزىپ جاتقان رەفورمالارى مەن كەزەكتەن تىس پرەزيدەنتتىك سايلاۋ وتكىزۋ جونىندەگى باستاماسىن قولدايمىن. قازاقستانداعى ءۇدەرىستەردى ەرەكشە باقىلاپ وتىرمىن. جالپى، قازاقستان مەن تۇركيا اراسىنداعى ەكىجاقتى قاتىناستار جوعارى دەڭگەيدە دامىپ كەلەدى. وسى ورايدا پارلامەنتارالىق ىنتىماقتاستىقتىڭ ماڭىزدىلىعى زور، – دەدى ر.ت.ەردوعان.

ءماجىلىس سپيكەرى قازاقستان پارلامەنتى مەن تۇركيا ۇلى ۇلتتىق جينالىسى اراسىنداعى، سونىڭ ىشىندە پارلامەنتارالىق ۇيىمدار اياسىندا ەكى جاقتى ىنتىماقتاستىقتىڭ قازىرگى اۋحالى تۋرالى بايانداپ، بىرلەسكەن جۇمىس بارلىق سالا بويىنشا بەلسەندى جالعاسا بەرەتىنىن ايتتى.

ءماجىلىس ءتوراعاسى قازاقستان كەلەسى V دۇنيەجۇزىلىك كوشپەندىلەر ويىندارىن وتكىزۋ جونىندە ۇسىنىس بەرگەنىن ايتىپ، ءتۇركءى قوعامداستىعى ونى قولدايتىنىنا سەنىم ءبىلدىردى.

سونىمەن بىرگە ەرلان قوشانوۆ تۇركيانىڭ بۇرىنعى پرەمەر-مينيسترى بينالي يىلدىرىممەن كەزدەسىپ، تاراپتار ەكى ەل ىنتىماقتاستىعىنىڭ قارقىندى دامىپ كەلە جاتقانىن اتاپ ءوتتى.

ءماجىلىستىڭ باسپا ءسوز قىزمەتى