جۇرگىزىلگەن تالداۋدى ەسكەرە وتىرىپ جانە وتباسى ينستيتۋتىن ساقتاۋ جانە ىنتالاندىرۋ ماقساتىندا "باقىتتى وتباسى" باعدارلاماسىنىڭ قاتىسۋشىلارىنان تولىق ەمەس وتباسى ساناتى الىنىپ تاستالىپ، جەتىم بالالار، 1 جانە 2ء-شى توپتاعى مۇگەدەكتىگى بار ادامدار ساناتى ەنگىزىلدى. بۇل تۋرالى ورتالىق كوممۋنيكاسيالار قىزمەتى الاڭىندا ق ر ييدم قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى باۋىرجان قابدول حابارلادى.

ونىڭ مالىمەتىنشە، جۇرگىزىلگەن مونيتورينگ "باقىتتى وتباسى" باعدارلاماسى ىسكە قوسىلعان ساتتەن باستاپ اكىمدىكتەردە تولىق ەمەس وتباسى ساناتى بويىنشا كەزەكتە تۇرعاندار سانى 72%-عا ارتقان. بۇل – باسقا كەزەكتە تۇرعانداردىڭ تەڭ ەمەس جاعدايىن تۋدىرعان.

–  "باقىتتى وتباسى" باعدارلاماسى بويىنشا وتىنىشتەردىڭ 50%-دان استامى وسى ساناتتان كەلىپ ءتۇستى، ونىڭ 35%-ى جەڭىلدەتىلگەن قارىز الدى. سونداي-اق ستاتيستيكا دەرەكتەرى بويىنشا 2019 جىلى اجىراسۋلاردىڭ ەڭ كوپ سانى تىركەلگەن – 59 796. بۇل – 2009 جىلعى كورسەتكىشتەن 9،1%-عا جوعارى جانە 2020 جىلعى اجىراسۋلاردان 20% تومەن. بۇل رەتتە 25-39 جاس ارالىعىنداعى توپتار 59% ارتتى، – دەيدى سپيكەر.