2022 جىلعى 3 قازاندا قوستاناي قالاسىنىڭ №2 سوتى "قازتەمىرترانس" اق قوستاناي فيليالىنىڭ ديرەكتورى ب. ۋسابەكوۆ پەن "ۆاديسا م" ج ش س ديرەكتورى س. تايروۆقا قاتىستى ايىپتاۋ ۇكىمىن شىعاردى. بۇل تۋرالى سىبايلاس جەمقورلىققا قارسى قىزمەت ءمالىم ەتتى.
"جوعارىدا اتالعان تۇلعالار جۇك ۆاگوندارىن كەدەرگىسىز جانە جەدەل جەتكىزگەنى ءۇشىن پارا الدى، بەردى دەپ ايىپتالدى. سوت ۇكىمىمەن ۋسابەكوۆكە ورتاشا قاۋىپسىزدىك مەكەمەسىندە 6 جىلعا باس بوستاندىعىنان ايىرۋ جازاسى تاعايىندالدى. سول ۇكىممەن تايروۆقا پارا بەرۋ فاكتىسى بويىنشا پارانىڭ جيىرما ەسەلەنگەن سوماسى مولشەرىندە ايىپپۇل تاعايىندالدى، بۇل 24 ملن تەڭگەنى قۇرايدى. سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلادى" دەلىنگەن اقپاراتتىق حابارلامادا.
ۇكىم ازىرگە زاڭدى كۇشىنە ەنگەن جوق.
پىكىر قالدىرۋ