الماتى قالاسى اۋەزوۆ اۋدانىنىڭ سوتى بولات نازاربايەۆتىڭ ار-نامىس پەن ابىرويىن قورعاۋ تۋرالى ارىزىن قاناعاتتاندىردى، دەپ حابارلادى سىبايلاس جەمقورلىقتى تەرگەۋ بيۋرو-قورى. ەكس-پرەزيدەنتتىڭ ءىنىسى بولات نازاربايەۆ ءوزىن رەيدەرلىك جولمەن بيزنەسىن تارتىپ الدى دەپ ايىپتاعان "الماتى ستەكلو" ج ش س قۇرىلتايشىسى ءازىم ابدۋللايەۆتان جارتى ميلليون تەڭگە ءوندىرىپ العان.
ءازىم ابدۋللايەۆ بولات نازاربايەۆتى شىنى زاۋىتىن رەيدەرلىك جولمەن تارتىپ الدى دەپ ايىپتاپ، ەكونوميكالىق سوتقا شاعىم تۇسىرگەن بولاتىن. بۇل ايىپتاۋمەن كەلىسپەگەن بولات نازاربايەۆ ار-نامىسى مەن ابىرويىن قورعاۋ ءۇشىن N2 اۋەزوۆ اۋداندىق سوتىنا جۇگىنگەن. نازاربايەۆ ءوزىنىڭ ۇزاق ۋاقىت بويى اۋىرعانىن جانە فيزيكالىق جاعىنان ەشكىمگە زيان تيگىزە المايتىنىن العا تارتقان.
نازاربايەۆتىڭ وكىلى ب ا ق پەن الەۋمەتتىك جەلىلەردە ءازىم ابدۋللايەۆ تالاپكەردىڭ، ياعني بولات نازاربايەۆتىڭ ار-نامىسىنا، ابىرويىنا جانە ىسكەرلىك بەدەلىنە نۇقسان كەلتىرەتىن شىندىققا جاناسپايتىن اقپارات تاراتقانىن ايتتى. ول 1،5 ميلليون تەڭگە كولەمىندەگى مورالدىق شىعىن وتەۋدى تالاپ ەتكەن. سوت تالاپتى ءىشىنارا قاناعاتتاندىرىپ، 1،5 ميلليون تەڭگەنىڭ ورنىنا ءازىم ابدۋللايەۆتان 500 مىڭ تەڭگە ءوندىرۋ تۋرالى شەشىم شىعارعان.
