Jusan Bank قارجى ۇيىمىن ەكس-پرەزيدەنت نۇرسۇلتان نازاربايەۆپەن بايلانىستىرعان باق-تاعى ماقالالارعا بايلانىستى مالىمدەمە جاسادى. ب ا ق بەتتەرىندە نازاربايەۆ لوندوندا ورنالاسقان Jusan Technologies حولدينگى مەن Jusan bankء-تى باقىلاۋىندا ۇستايتىنى تۋرالى اقپارات شىققان.
"جاقىندا حالىقارالىق باسپاسوزدە بۇرىنعى پرەزيدەنت نۇرسۇلتان نازاربايەۆتى Jusan Bank-پەن جانە ونىڭ لوندوندا ورنالاسقان Jusan Technology Limited، UK (JTL) باس كومپانياسىمەن بايلانىستىراتىن ءبىرقاتار ماقالالار جاريالانعان ەدى. ماقالالاردا نازاربايەۆ مىرزا بانكتى دە، JTLء-دى دە ءوز باقىلاۋىندا ۇستايدى دەلىنگەن. وسى ماقالالاردىڭ كەيبىرى قازاقستان باسىلىمدارىندا جانە الەۋمەتتىك جەلىلەرىندە جاريالانىپ، تارالدى. بانك اتالمىش ماقالالاردا فاكتىلەر قاتتى بۇرمالانعانىن اتاپ وتەدى. وسى مالىمدەمە ارقىلى بانك نازاربايەۆ مىرزانىڭ دا، ونىڭ وتباسى مۇشەلەرىنىڭ دە بانككە، ونىڭ ەنشىلەس كاسىپورىندارىنا جانە باس كومپانيا – JTL-گە قاتىسى جوق ەكەندىگىن حابارلايدى. ولار بانكتىڭ اكسيونەرلەرىنىڭ قۇرامىنا دا كىرمەيدى جانە قانداي دا ءبىر نىساندا بانككە نەمەسە JTL-گە باقىلاۋ جۇزەگە اسىرمايدى" دەلىنگەن بانك مالىمدەمەسىندە.
مالىمدەمەدە سونداي-اق بانك ءوز بەدەلىن ساقتاۋ ءۇشىن، كەز كەلگەن نەگىزسىز ايىپتاۋلاردان، قاجەت بولسا، زاڭ امالدارىنا جۇگىنە وتىرىپ قورعاناتىنى ايتىلادى.
پىكىر قالدىرۋ