"ورتالىق سايلاۋ كوميسسياسىنىڭ 11 قازانداعى قاۋلىسىمەن كانديداتۋرانىڭ زاڭ تالاپتارىنا سايكەس كەلەتىندىگى انىقتالدى. ۇمىتكەرگە ازاماتتاردىڭ قولدارىن جيناۋ ءۇشىن قول قويۋ پاراقتارى بەرىلدى. اۋماقتىق سايلاۋ كوميسسيالارىنىڭ حاتتامالارىنا سايكەس ق ر پرەزيدەنتتىگىنە كانديداتتى قولداعان ەلىمىزدىڭ 15 وڭىرىنەن 121 314 ازاماتتىڭ قولى جينالدى. ونىڭ ىشىندە 120 158 قول تەكسەرىلىپ، 118 418ء-ى سەنىمدى دەپ تانىلدى" دەدى ورتالىق سايلاۋ كوميسسياسىنىڭ مۇشەسى شاۆكات وتەمىسوۆ.
وسك مۇشەلەرى ۇمىتكەردىڭ كانديداتۋراسىن قابىلداۋ تۋرالى قاۋلىنى داۋىسقا سالىپ، ءبىراۋىزدان وڭ شەشىم قابىلدانعان.
ۇمىتكەر كانديداتۋراسىن "كاسىبي الەۋمەتتىك جۇمىسكەرلەر ۇلتتىق اليانسى" ۇسىنعان.
قاراقات ابدەن 48 جاستا. اقمولا وبلىسىندا دۇنيەگە كەلگەن. سالىق كوميتەتىنىڭ ورتالىق اپپاراتىندا، پرەزيدەنت جانىنداعى مەملەكەتتىك باسقارۋ اكادەمياسىندا 10 جىلدان استام ۋاقىت جۇمىس ىستەگەن. ايەلدەر ءىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى، استانا اكىمىنىڭ الەۋمەتتىك ماسەلەلەر جونىندەگى شتاتتان تىس كەڭەسشىسى. 2013 جىلدان بەرى "قازاق قىزى" قوعامدىق بىرلەستىگىن باسقارادى. "سەن قازاقتىڭ قىزىسىڭ. ماقتان ەت!" اتتى كىتاپ اۆتورى.
پىكىر قالدىرۋ