ۇقك شەكارا قىزمەتى الماتى قالاسىنىڭ پروكۋراتۋراسىمەن بىرلەسىپ قازاقستان اۋماعى ارقىلى اۋعانستان ازاماتتارىن زاڭسىز وتكىزۋ ارناسىنىڭ جولىن كەسكەنىن حابارلادى.
ۇقك مالىمەتىنشە، شەكارا قىزمەتى «بوران» ارنايى بولىمشەسىن قولدانا وتىرىپ وتكىزگەن جەدەل-ىزدەستىرۋ ءىس-شارالارى بارىسىندا ورتا ازيا ەلدەرىنىڭ ءبىرىنىڭ جالعان ءتولقۇجاتىن ۇسىنعان شەتەلدىك ازاماتتى 1،5 مىڭ اقش دوللارى سوماسىنداعى اقشانى الۋ كەزىندە ۇستاعان.
"وتكىزىلگەن ءتىنتۋدىڭ ناتيجەسىندە بىرنەشە قازاقستاندىق ۇيىمداردىڭ مورلەرى، 20 اۋعاندىق ءتولقۇجات، تۋۋ تۋرالى كۋالىكتەر مەن ق ر ازاماتتىعى مەن ەلدە تۇرۋعا ىقتيار حات الۋعا، تىركەلۋگە جانە ەلدە بولۋ مەرزىمىن ۇزارتۋعا نەگىز بولاتىن باسقا دا قۇجاتتار الىندى. اتالعان فاكت قىلمىستىق بەلگىلەرى بويىنشا سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە ق ر قك 394-بابى 1-بولىگى (زاڭسىز كوشى-قوندى ۇيىمداستىرۋ) بويىنشا تىركەلدى. ۇستالعان ادام الماتى قالاسى پوليسيا دەپارتامەنتىنىڭ ۋاقىتشا ۇستاۋ يزولياتورىنا قامالدى." دەلىنگەن اقپاراتتىق حابارلامادا.
پىكىر قالدىرۋ