7 جىلدا 111 ميلليون شارشى مەتردەن استام تۇرعىن ءۇي پايدالانۋعا بەرىلەدى – توقايەۆتىڭ باعدارلاماسى

/image/2022/10/28/crop-14_75_886x1575_whatsapp-image-2022-10-28-at-13.48.21.jpeg

پرەزيدەنتتىككە كانديدات قاسىم-جومارت توقايەۆتىڭ رەسپۋبليكالىق قوعامدىق شتابىنىڭ سايلاۋشىلارمەن كەزدەسۋى ۇلىتاۋ وبلىسىندا جالعاستى.

جەزقازعان قالالىق حالىقتار دوستىعى مەن مادەنيەتى ۇيىندە ايماق جۇرتشىلىعىمەن كەزدەسۋ ءوتىپ، وعان 500-گە جۋىق ادام قاتىستى.

ۇلىتاۋلىقتارمەن اڭگىمە بارىسىندا رقش مۇشەلەرى كانديداتتىڭ «ادىلەتتى قازاقستان: ءبارىمىز جانە ءارقايسىمىز ءۇشىن. ءقازىر جانە ءاردايىم» سايلاۋالدى باعدارلاماسىندا كورسەتىلگەن وڭىرلەردى دامىتۋ ماسەلەلەرىنە ەرەكشە نازار اۋداردى.

فوتو: رەسپۋبليكالىق قوعامدىق شتاب

 

«ءوز باعدارلاماسىندا قاسىم-جومارت توقايەۆ دامىعان وڭىرلەرسىز مىقتى، گۇلدەنگەن ەلدى ەلەستەتۋ مۇمكىن ەمەستىگىن اتاپ ءوتتى. مەملەكەتتىڭ كۇشى – ونىڭ ءاربىر ازاماتىنىڭ، ءتىپتى ەڭ شالعاي ەلدى مەكەندەگى تۇرعىندارىنىڭ تۇرمىس-تىرشىلىگى مەن ءال-اۋقاتىنىڭ جوعارى بولۋىندا. وڭىرلىك ساياسات ادىلەتتى بولسا، ءىرى قالالارداعى جانە شاعىن اۋىلدارداعى جۇرت جايلى ءومىر سۇرەدى» دەدى رقش باسشىسى ەرلان قوشانوۆ. 

ول قاسىم-جومارت توقايەۆ الداعى تاياۋ جىلداردا بارلىق ەلدى مەكەننىڭ تازا اۋىز سۋعا، ساپالى جولدارعا، جىلدام ينتەرنەت پەن تۇراقتى ۇيالى بايلانىسقا قول جەتكىزۋىن قامتاماسىز ەتۋگە باسىمدىق بەرىپ وتىرعانىن اتاپ ءوتتى. ەلدەگى گازداندىرۋ 60 پايىزدىق دەڭگەيگە جەتكىزىلمەك.

 

تۇرعىن ءۇي تاپشىلىعى ماسەلەسى كەزەڭ-كەزەڭىمەن شەشىلەتىن بولادى. ول ءۇشىن الداعى 7 جىل ىشىندە 111 ملن شارشى مەتر تۇرعىن ءۇي سالىنادى. اپاتتى جانە توزىعى جەتكەن تۇرعىن ۇيلەر ماسەلەسى وتكىر تۇر. بۇل بارلىق ايماققا قاتىستى. كانديداتتىڭ سايلاۋالدى باعدارلاماسىندا وسىنداي جاعدايداعى 40 مىڭعا جۋىق تۇرعىن ءۇي يەسىن جاڭا باسپانامەن قامتاماسىز ەتۋ كوزدەلگەن. 

فوتو: رەسپۋبليكالىق قوعامدىق شتاب

رقش مۇشەلەرى وسى ناقتى شارالاردىڭ بارلىعى قارجىمەن قامتىلىپ،  الداعى 7 جىلدا وڭىرلەردەگى تۇرعىنداردىڭ تۇرمىس ساپاسىن ارتتىراتىنىن جانە ولاردىڭ دامۋ دەڭگەيىنە قاتىستى تەڭسىزدىكتەردى ايتارلىقتاي تومەندەتەتىنىن اتاپ ءوتتى.

فوتو: رەسپۋبليكالىق قوعامدىق شتاب

بۇدان سوڭ رەسپۋبليكالىق قوعامدىق شتاب مۇشەلەرى «ULYTAU NAN» ج ش س نان زاۋىتىندا بولىپ، كاسىپورىن قىزمەتكەرلەرىنە كانديداتتىڭ بيزنەستى دامىتۋ جانە كاسىپ وداقتاردى قولداۋ جونىندەگى سايلاۋالدى باستامالارى تۋرالى ايتىپ بەردى.

«Kazakhmys Smelting» ج ش س مىس بالقىتۋ زاۋىتى – ايماقتاعى جەتەكشى كاسىپورىنداردىڭ ءبىرى. رقش مۇشەلەرى مەتاللۋرگتەرمەن قاسىم-جومارت توقايەۆتىڭ سايلاۋالدى باعدارلاماسىندا كورسەتىلگەن وڭدەۋشى ونەركاسىپ كاسىپورىندارىنىڭ وندىرىستەگى ەڭبەك قۇقىقتارىن قورعاۋ جانە جاڭعىرتۋ ماسەلەلەرىن تالقىلادى.

فوتو: رەسپۋبليكالىق قوعامدىق شتاب

دايىنداعان: رەسپۋبليكالىق قوعامدىق شتاب
استانا قالاسى، قونايەۆ ك. 12/1
تاپسىرىس بەرۋشى: م. ج. وسپانوۆ
پرەزيدەنتتىككە كانديدات ق.ك.توقايەۆ سايلاۋ قورىنىڭ قاراجاتىنان تولەندى

قاتىستى ماقالالار