الماتى قالاسىندا قازاقستان حالقى اسسامبلەياسىنىڭ رەسپۋبليكالىق انالار كەڭەسىنىڭ كەڭەيتىلگەن وتىرىسى ءوتتىالماتى قالاسىندا قازاقستان حالقى اسسامبلەياسىنىڭ رەسپۋبليكالىق انالار كەڭەسىنىڭ كەڭەيتىلگەن وتىرىسى ءوتتى.

2022 جىلدىڭ 6-7 قازان كۇندەرى الماتى قالاسىندا قازاقستان حالقى اسسامبلەياسىنىڭ رەسپۋبليكالىق انالار كەڭەسىنىڭ كەڭەيتىلگەن وتىرىسى ءوتتى.ءىس-شاراعا قازاقستان حالقى اسسامبلەياسىنىڭ مۇشەلەرى، ق ر پارلامەنتى سەناتى مەن ءماجىلىسىنىڭ دەپۋتاتتارى، مەملەكەتتىك ورگانداردىڭ، قحا وڭىرلىك انالار كەڭەسىنىڭ، ەتنومادەني بىرلەستىكتەر مەن ۇكىمەتتىك ەمەس ۇيىمداردىڭ وكىلدەرى، ساراپشىلار قاۋىمداستىعى مەن ب ا ق وكىلدەرى قاتىستى.

ءىس-شارانىڭ اشىلۋ بارىسىندا ق ر پرەزيدەنتى اكىمشىلىگى باسشىسىنىڭ ورىنباسارى ا.ع. بالايەۆا انالار كەڭەسى «ەڭ بەلسەندى جانە ماڭىزدى قوعامدىق قۇرىلىمداردىڭ ءبىرى جانە قوعام ومىرىندە ۇلكەن الەۋمەتتىك ماڭىزى بار» ەكەنىن اتاپ ءوتتى.ونىڭ سوزىنشە، انالار كەڭەسىنىڭ فورۋمى «تىلەكتەرى مەن نيەتتەرى ورتاق ماقساتقا جەتۋ جولىندا تۇرعان حالقىمىزدى بىرىكتىرەتىن» ۇلتتىق مەرەكە - رەسپۋبليكا كۇنى قارساڭىندا ءوتىپ جاتقان ماڭىزدى ءىس-شارا بولعانىن ەسكەردى.ا.بالايەۆا ءوز سوزىندە، قازاقستان حالقى اسسامبلەياسىنىڭ انالار كەڭەستەرىنىڭ قىزمەتى ءوز ەلىنىڭ پاتريوتتارىنىڭ جاڭا بۋىنىن تاربيەلەۋگە باعىتتالعانىن ايتتى.اتاپ ايتقاندا، ول بارلىق وڭىرلەردە ىسكە اسىرىلىپ جاتقان انالار كەڭەسىنىڭ «مادەنيەتتى انا – مادەنيەتتى ۇلت» رەسپۋبليكالىق جوباسى بولاشاق ۇرپاققا مادەنيەتتىڭ، ادامگەرشىلىكتىڭ، مەيىرىمدىلىكتىڭ قۇندىلىقتارىن ساقتاۋ جونىندەگى اسىل ميسسيانىڭ جارقىن كورىنىسى بولعانىن ەسكە سالدى.

ەكىنشى جاعىنان، ا. بالايەۆا قازاقستان پرەزيدەنتى ق.ك. توقايەۆتىڭ باستامالارىنا – «ۇلتتىق قور – بالالارعا» جاڭا باعدارلاماسىنا جانە سايلاۋالدى پارتيالىق تىزىمدەردەگى جانە دەپۋتاتتىق مانداتتاردى ءبولۋ كەزىندەگى ايەلدەر مەن جاستارعا ارنالعان 30 پايىزدىق كۆوتاعا نازار اۋداردى.سونداي-اق، ا.بالايەۆا اسسامبلەيانىڭ XXXI سەسسياسىندا مەملەكەت باسشىسىنىڭ تاپسىرماسىن ىسكە اسىرۋداعى، ونىڭ ىشىندە قوعامدىق قۇرىلىمداردى، اسسامبلەيا مەدياتورلارىن قۇقىق قورعاۋ قىزمەتىنە تارتۋ، ەتنومەدياسيانى دامىتۋ، جاستارمەن جۇمىس، وتباسىلىق-تۇرمىستىق قاتىناستار سالاسىنداعى قۇقىق بۇزۋشىلىقتارعا قارسى ءىس-قيمىل، سونداي-اق ايەلدەر مەن بالالارعا قارسى قىلمىستاردىڭ الدىن-الۋ شارالارىن قابىلداۋدا انالار كەڭەسىنىڭ ماڭىزدى جانە بەلسەندى ءرولىن اتاپ ءوتتى.

ءسوز سوڭىندا ا.بالايەۆا انالار كەڭەسىنىڭ جۇمىسى مەملەكەت باسشىسىنىڭ ءادىل جانە ادامگەرشىلىكتى قوعامدى قالىپتاستىرۋ بويىنشا قويعان مىندەتتەرىن ىسكە اسىرۋعا ەلەۋلى ۇلەس قوساتىنىنا سەنىم ءبىلدىردى.قحا-نىڭ رەسپۋبليكالىق انالار كەڭەسىنىڭ ايرىقشا ەرەكشەلىگى ونىڭ تاقىرىپتىق سەسسيالارىنىڭ ارتۇرلىلىگىندە بولدى: «مادەنيەتتى انا – مادەنيەتتى ۇلت» جوباسىنىڭ تۇجىرىمداماسىن ىسكە اسىرۋ»؛ «ۇلتتىق تاربيە – مەملەكەتتىلىكتىڭ نەگىزى»؛ «دابىل: جامان ادەت – ۇلتقا ءقاۋىپ»؛ «ۇلتتىڭ بولاشاعى – سانالى ۇرپاق»؛ «تاربيە جۇمىسى جانە بەلسەندى قوعام».سەسسيا جۇمىسى بارىسىندا رۋحاني-پاتريوتتىق تاربيەنىڭ وزەكتى ماسەلەلەرى، جەكە تۇلعانى قالىپتاستىرۋداعى اعا ۇرپاقتىڭ ءرولى، بالانىڭ تۇلعا رەتىندە قالىپتاسۋىنداعى ب ا ق ءرولى، ءتيىمدى وتباسىلىق جانە ۇرپاقارالىق كوممۋنيكاسيالار قاراستىرىلدى.

ءسوز سويلەۋشىلەر قازاقستاندا كامەلەتكە تولماعاندار اراسىندا ءدىني قاۋىپسىزدىكتى قامتاماسىز ەتۋ، بالالاردىڭ ءومىرىن سۋيسيدتەن ساقتاۋ ستراتەگياسى، جاستار اراسىندا جامان ادەتتەردىڭ الدىن الۋ، اتا-انالاردىڭ پسيحولوگيالىق–پەداگوگيكالىق ساۋاتتىلىعىن ارتتىرۋ، كامەلەتكە تولماعانداردىڭ قۇقىق بۇزۋشىلىقتارىنىڭ الدىن-الۋ، مەملەكەتتىك ءتىلدى ىلگەرىلەتۋ جانە دامىتۋ، وتباسىلىق-دەموگرافيالىق ساياسات باعىتى بويىنشا جوبالار مەن مىندەتتەردى ىسكە اسىرۋ ماسەلەلەرىن قوزعادى.

2022 جىلعى 7 قازاندا قازاقستان حالقى اسسامبلەياسى ءتوراعاسىنىڭ ورىنباسارى م.ءازىلحانوۆتىڭ قاتىسۋىمەن پلەنارلىق وتىرىس ءوتتى. ونىڭ ءسوزىنىڭ باستى تاقىرىپتارىنىڭ ءبىرى «مادەنيەتتى انا – مادەنيەتتى ۇلت» جوباسىن قورىتىندىلاۋ جانە ودان ءارى ىسكە اسىرۋ ماسەلەلەرى تۋرالى بولدى.

سپيكەر بۇل جوبانىڭ بولاشاق ۇرپاقتىڭ ساناسى مەن تاربيەسى قالىپتاساتىن قوعامداعى ماڭىزدىلىعىن، سونداي-اق وڭىرلەردەگى قحا انالار كەڭەستەرىنىڭ «ىسكەر ايەلدەر قاۋىمداستىعىمەن» سينەرگياسىن اتاپ ءوتتى.فورۋمدى باعالاۋ رەتىندە م.ءازىلحانوۆ كەڭەس سەسسيالارىنىڭ جۇمىسى قازاقستان انالارىنىڭ حالىقتىڭ نەعۇرلىم الەۋمەتتىك بەلسەندى بولىگى رەتىندەگى وراسان زور الەۋەتىن جانە انالار كەڭەستەرىن قوعامنىڭ الەۋمەتتىك ينستيتۋتى رەتىندە نىعايتۋ قاجەتتىگىن كورسەتتى.ونىڭ ايتۋىنشا، ايەل – حالقىمىزدىڭ الەۋمەتتىك التىن كاپيتالى، ويتكەنى ايەل جاراتىلىسىنان قالىپتاستىرۋشى، وتباسىن قۇرۋشى – حالىقتىڭ، مەملەكەتتىڭ ىرگەتاسى.

م.ءازىلحانوۆ قحا انالار كەڭەسىنە الداعى ۋاقىتتا دا جۇيەلى قولداۋ كورسەتەتىنىنە كەپىل بەردى.ءوز سوزىندە سپيكەر انالار كەڭەسىنىڭ جۇمىسىنىڭ الەۋمەتتىك جانە مادەني جان-جاقتىلىعىن ەسكەرىپ، الەۋمەتتىك جەلىلەردە ءقازاقتىلدى كونتەنتتىڭ تاپشىلىعىن تومەندەتۋگە باعىتتالعان «قازاقستان حالقى ەرتەگىلەرى» جانە «حانكاست» جوبالارى، قاراعاندىدا «شاڭىراق» كوپبالالى انالاردى قولداۋ ورتالىعى، شىمكەنت قالاسىندا «باقىتتى جانۇيا»، «بەلسەندى ۇزاق ءومىر»، «TEN QOGAM» ورتالىقتارىنا توقتالدى.

ءوز سوزىندە، م.ءازىلحانوۆ وڭىرلەردە «وتباسىم-وتانىم» جوباسى، سولتۇستىك قازاقستان وبلىسىندا «ادال جول» جوباسى، قوستاناي وبلىسىندا «سىرعالىم» مەكتەپىشىلىك كلۋبى جانە «جاس ۇلان» جق-نىڭ ۇيىمداستىرۋىمەن «اكەم ۇيرەتەدى» چەللەندجى جۇزەگە اسىپ جاتقانىن اتاپ ءوتتى. ال تارازداعى «اناعا تاعزىم» ورتالىعىنىڭ جوباسى وزگە وڭىرلەرگە بۇگىندە ۇلگى بولدى.استانادا «باقىتتى انا – باقىتتى وتباسى» باعىتى اياسىندا «كەرەمەت جول» وتباسىلىق ات سپورتى كلۋبى، «اينالايىن» ەتنولاگەرى، «قاپسىرما» قازاق تاجىريبەلىك تىگىن اتەلەسى، قولدانبالى ونەر شەبەرحاناسى قۇرىلدى.

سونداي-اق ەلوردالىق «Ana time» الەۋمەتتىك جوباسى ىسكە اسىرىلدى، سونىڭ ناتيجەسىندە استانادا 120-دان استام، اقمولا وبلىسىندا 60-تان استام ايەل ءوز ءىسىن ۇيىمداستىرىپ وتىر. شىمكەنتتە ستۋدەنت جاستارعا ارنالعان «قىز وسسە – ەلدىڭ كوركى» جوباسى جۇزەگە اسىرىلسا، پاۆلودار وبلىسىندا «ەرتىس» تەلەارناسىندا انالار كەڭەسى مۇشەلەرىنىڭ قاتىسۋىمەن اپتا سايىن ارنايى باعدارلاما ۇيىمداستىرىلعان.

ءسوز سوڭىندا م.ءازىلحانوۆ جوعارىدا اتالعان جوبالاردىڭ ارقاسىندا وبلىستىق، اۋداندىق، اۋىلداعى انالار، مەدياتورلار، كاسىپكەرلەر، اتا-انالار، ۇلگىلى وتباسىلار، قوعامدىق قابىلداۋلار، وقۋ ورىندارى، قولدانبالى ونەر مايتالماندارى مەن ۇمىت بولا باستاعان ونەرپازدار اراسىندا تىعىز بايلانىس ورناعانىن اتاپ ءوتتى.

پلەنارلىق وتىرىس بارىسىندا قازاقستان حالقى اسسامبلەياسىنىڭ انالار كەڭەسى مەن قازاقستاننىڭ ىسكەر ايەلدەر قاۋىمداستىعىنىڭ ىنتىماقتاستىعى تۋرالى مەموراندۋمعا قول قويىلدى.قۇتتىقتاۋ سوزبەن «قوعامدىق كەلىسىم» رمم ديرەكتورى، ق ر پرەزيدەنتى جانىنداعى ۇلتتىق قۇرىلتاي مۇشەسى قازبەك مايگەلدينوۆ ءسوز سويلەدى، سونىمەن قاتار، پلەنارلىق وتىرىستا قازاقستان رەسپۋبليكاسى پارلامەنتى سەناتىنىڭ دەپۋتاتى ولگا بۋلاۆكينا، قازاقستاننىڭ ىسكەر ايەلدەر قاۋىمداستىعىنىڭ پرەزيدەنتى راۋشان سارسەنبايەۆا، ق ر ءبىلىم مينيسترلىگى بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى، ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى ەلينا پاۋلي، قحا رەسپۋبليكالىق انالار كەڭەسىنىڭ مۇشەسى بايان احاتاي، وتباسىلىق تاربيە ينستيتۋتىنىڭ باسشىسى سوفيا ەۆدوكيموۆا، «سەنىممەن بولاشاق» رەسپۋبليكالىق اتا-انالار قوعامدىق بىرلەستىگىنىڭ ءتوراعاسى حىزىر جانارىس، جەتىسۋ وبلىسى انالار كەڭەسى ءتوراعاسىنىڭ ورىنباسارى عاليا اقباسوۆا، قاراعاندى وبلىسى انالار كەڭەسىنىڭ ءتوراعاسى، ق ر پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى ءلاززات قوجاحمەتوۆا، قازاقستان جازۋشىلار وداعىنىڭ مۇشەسى كامال الپەيىسوۆا قاتىستى.

فورۋم جۇمىسى بارىسىندا انالار كەڭەسىنىڭ بەلسەندى جوبالارىنا جانە ۇزدىكتەرىنە ارنايى ماراپاتتار تابىستالدى. بۇگىنگى تاڭدا ەلىمىزدە 1847 انالار كەڭەسى جۇمىس ىستەيدى، ونىڭ جۇمىسىنا 13 مىڭعا جۋىق ادام قامتىلعان.