پرەزيدەنتتىككە كانديدات قاسىم-جومارت توقايەۆتىڭ رەسپۋبليكالىق قوعامدىق شتابىنىڭ مۇشەلەرى زيالى قاۋىممەن، ەتنومادەني بىرلەستىكتەردىڭ وكىلدەرىمەن، پەداگوگتارمەن، ستۋدەنتتەرمەن جانە جامبىل وبلىسىنىڭ كوپبالالى انالارىمەن ءبىرقاتار كەزدەسۋ وتكىزدى.

ماسەلەن، ەتنومادەني بىرلەستىكتەردىڭ وكىلدەرىمەن بولعان كەزدەسۋدە رەسپۋبليكالىق قوعامدىق شتابتىڭ باسشىسى ەرلان قوشانوۆ كانديدات قاسىم-جومارت توقايەۆتىڭ ادىلەتتى قازاقستاندى قۇرۋ ساياساتىنىڭ نەگىزى ەتنوسارالىق بىرلىك پەن كونفەسسياارالىق كەلىسىم ەكەنىن اتاپ ءوتتى.

«بۇگىندە كەز كەلگەن قوعامنىڭ دامۋىنىڭ باستى شارتى كەلىسىم ەكەنىن كورىپ وتىرمىز. ادامدار ءبىر-بىرىن تىڭداۋدان، تۇسىنۋدەن قالاتىن بولسا، بۇل كۇردەلى ماسەلەلەردىڭ باستاۋىنا اينالادى. مۇنىڭ نەگە اكەلىپ سوعاتىنىن ءار ءتۇرلى ەلدەردەگى جاعدايلاردان كورىپ وتىرمىز. قاسىم-جومارت توقايەۆ ءوزى ۇستانعان ساياساتتىڭ باستى باسىمدىعى ۇلتارالىق كەلىسىم، بەيبىتشىلىك پەن تۇراقتىلىق ەكەنىن بىرنەشە رەت مالىمدەدى. ەتنيكالىق تەگىنە قاراماستان، ەلىمىزدىڭ ءاربىر ازاماتىنا كونستيتۋسيامەن تەڭ مۇمكىندىككە كەپىلدىك بەرىلەدى. بۇل – بولاشاقتا دا بۇلجىمايتىن قاعيدا»، – دەدى ەرلان قوشانوۆ.

بۇگىندە قازاقستاندا 130 ەتنوس تۇرادى. جامبىل وبلىسىندا 75 ەتنومادەني بىرلەستىك جۇمىس ىستەيدى. «بىرلىگىمىز – ءارالۋاندىقتا» – كانديداتتىڭ تاۋەلسىزدىكتى نىعايتۋداعى نەگىزگى قاعيداسى وسى.

بۇدان سوڭ، رقش مۇشەلەرى وڭىردەگى جوعارى وقۋ ورىندارىنىڭ وقىتۋشى-پروفەسسورلىق قۇرامىمەن جانە ستۋدەنتتەر قاۋىمىمەن كانديداتتىڭ سايلاۋالدى باعدارلاماسىنىڭ ءبىلىم جانە عىلىم سالاسىنداعى باسىمدىقتارىن تالقىلادى. م.ح. دۋلاتي اتىنداعى تاراز وڭىرلىك ۋنيۆەرسيتەتىندە وتكەن وسى كەزدەسۋگە 500-گە جۋىق ادام قاتىستى.

قاسىم-جومارت توقايەۆ پەداگوگتاردى ارتىق مىندەتتەردەن بوساتۋ ارقىلى ولاردىڭ الەۋمەتتىك مارتەبەسىن ارتتىرۋدى جالعاستىرادى. عىلىم ەلدىڭ باسەكەگە قابىلەتتىلىگىن كۇشەيتەتىن جاڭا ءوندىرىس تەحنولوگيالارىنا باعىتتالادى. جەتەكشى جوعارى وقۋ ورىندارى مەن ءىرى كاسىپورىنداردىڭ جانىنان مامانداندىرىلعان ينجينيرينگتىك ورتالىقتار قۇرىلادى. سونداي-اق، عىلىمي جانە عىلىمي-تەحنيكالىق قىزمەت ناتيجەلەرىن كوممەرسيالاۋ، اتاپ ايتقاندا، گرانتتار ءبولۋ ءۇشىن جاعداي جاسالادى. بۇعان قوسا، كانديداتتىڭ سايلاۋالدى باعدارلاماسىنا سايكەس، شاكىرتاقى مولشەرىن ۇلعايتۋ جانە ستۋدەنتتىك جاتاقحانالارداعى ورىن تاپشىلىعى ماسەلەسىن شەشۋ جوسپارلانۋدا.

ارداگەرلەرمەن جانە زيالى قاۋىم وكىلدەرىمەن كەزدەسۋدە رقش مۇشەلەرى سايلاۋالدى باعدارلامادا كورىنىس تاپقان مادەنيەت پەن ونەردى قولداۋ شارالارىنا باسا نازار اۋداردى.

وسى كۇنى ءوڭىردىڭ كوپبالالى انالارىمەن كەزدەسۋ ءوتىپ، ونىڭ بارىسىندا كانديداتتىڭ الەۋمەتتىك سالاداعى ساياساتىنىڭ نەگىزگى باسىمدىقتارى تالقىلاندى.

دايىنداعان: رەسپۋبليكالىق قوعامدىق شتاب

استانا قالاسى، قونايەۆ 12/1.

تاپسىرىس بەرۋشى: م.ج. وسپانوۆ.

قازاقستان رەسپۋبليكاسى پرەزيدەنتتىگىنە ۇمىتكەر ق.ك.توقايەۆتىڭ سايلاۋ قورىنان تولەندى.