تۇركياداعى جارىلىسقا قاتىسى بار سيريالىق احلام الباشير ءوزىنىڭ سيريالىق بىرنەشە تەررورلىق ۇيىمدار تاراپىنان دايىندىقتان ءوتىپ، تۇركياعا ارنايى تاپسىرمامەن كەلگەنىن مويىندادى. بۇل تۋرالى Cumhuriyet سايتى حابارلادى.
"تۇركياعا زاڭسىز جولمەن افرين-يدليب قالالارى ارقىلى كەلدىم. سيريا دەموكراتيالىق پارتياسى، بىرلەسكەن دەموكراتيالىق پارتياسى جانە كۇردستان جۇمىسشىلار پارتياسى تاراپىنان ارنايى دايىندىقتان ءوتتىم. تەراكتى جاساۋ ءۇشىن ولاردان ارنايى تاپسىرما الدىم"، دەپ ايتقان احلام الباشير.
تۇركيادا قارۋلى كۇشتەر تاراپىنان ۇيىمداستىرىلعان ارنايى وپەراسيا كەزىندە الحام الباشيردەن بولەك 46 كۇدىكتى ازامات ۇستالعان.
ەسكە سالساق، كەشە ستامبۋلدىڭ تۋريستەر كوپ جۇرەتىن يستيكليال كوشەسىندە جارىلىس بولىپ، 6 ادام قازا تاپقان. 81 ادام جارالانعان.
پىكىر قالدىرۋ