الماتى وبلىسىنا قاراستى قاراساي اۋدانىنىڭ اكىمدىگى، "التىن وردا" بازارىنىڭ باسشىلىعى مەن الماتى وبلىسىنىڭ كاسىپكەرلىك جانە يندۋستريالىق-يننوۆاسيالىق دامۋ باسقارماسى اراسىندا ءۇشجاقتى مەموراندۋمعا قول قويىلدى. بۇل تۋرالى وبلىس اكىمىنىڭ باسپا ءسوز قىزمەتى حابارلادى.
باس قۇجاتتىڭ اياسىندا وتاندىق تاۋار وندىرۋشىلەردى قولداۋ ماقساتىندا وبلىستىڭ اۋىل شارۋاشىلىعى وندىرۋشىلەرىنىڭ دايىن ءونىمىن وتكىزۋ ءۇشىن شارۋالارعا "التىن وردا" بازارىنان ساۋدا ۋچاسكەلەرىن (نۇكتەلەرىن) بەرۋ كوزدەلگەن.
مەموراندۋم شەڭبەرىندە "التىن وردا" بازارىنان اكىمشىلىك الىمدارسىز 100 ساۋدا ورنىن بەرۋ تۋرالى ۋاعدالاستىققا قول جەتكىزىلدى.
اۋىل شارۋاشىلىعىن وندىرەتىن شارۋالارعا ارنالعان تەگىن ساۋدا نۇكتەلەرىن ۇلەستىرۋمەن قاراساي اۋدانىنىڭ اكىمدىگى مەن وبلىستىق كاسىپكەرلىك باسقارماسى اينالىسادى.
شارۋالار ساۋدا نۇكتەسىن جالدامايتىندىقتان، ءونىم باعاسى دا نارىقتان تومەن بولۋعا ءتيىس. اتالعان شارانىڭ ماقساتى دا اۋىل شارۋاشىلىعى ونىمدەرىنىڭ باعاسىن قولجەتىمدى ەتۋ.
پىكىر قالدىرۋ