اباي وبلىسىندا پرەزيدەنتتىك سايلاۋ جالعاسۋدا. تاڭەرتەڭ تۇرعىندار سايلاۋ ۋچاسكەلەرىندە ءوز تاڭداۋىن جاساۋدا. دەنساۋلىعىنا بايلانىستى نەمەسە باسقا سەبەپتەرمەن سايلاۋ ۋچاسكەسىنە ءوز بەتىنشە كەلە المايتىن ازاماتتار ۇيدە داۋىس بەرە الادى.

«سايلاۋعا ءوز بەتىمەن كەلە المايتىندار ءۇشىن ءبىز سايلاۋ جاشىكتەرى مەن بيۋللەتەندەردى ۇيلەرگە اپارامىز. اعا بۋىن اراسىندا داۋىس بەرگىسى كەلەتىندەردىڭ كوپ بولعانى ءبىزدى قۋانتادى. بۇل جاستار ءۇشىن جاقسى ۇلگى»، - دەيدى №269 سايلاۋ ۋچاسكەسى ءتوراعاسىنىڭ ورىنباسارى جاننا تولەنوۆا.

بۇگىن ۇيدەن شىقپاي-اق ءوز تاڭداۋىن جاساعانداردىڭ ءبىرى ۇلى وتان سوعىسىنىڭ ارداگەرى اسقار راحىمبايەۆ بولدى.

«مەن سايلاۋعا ءبىرىنشى جىل قاتىسىپ وتىرعان جوقپىن. بۇل بۇكىل ەل ءۇشىن وتە ماڭىزدى قادام. بۇگىن ءبىز تاريحتىڭ بارىسىنا اسەر ەتەتىن تاڭداۋ جاسايمىز»، - دەيدى ارداگەر.

اسقار راحىمبايەۆ 1926 جىلى 1 ناۋرىزدا سەمەي وبلىسى اقسۋات اۋدانى ويشىلىك اۋىلىندا دۇنيەگە كەلگەن. مەكتەپتى بىتىرگەننەن كەيىن تۋعان اۋىلىندا تراكتورشى بولىپ جۇمىس ىستەدى. 1941 جىلى اقسۋات اۋداندىق اسكەري كوميسسارياتى ارقىلى اسكەر قاتارىنا شاقىرىلدى. شىعىس مايداندا 378 اسكەري بولىمىندە اتقىشتار پولكىنىڭ قۇرامىندا سوعىسقان.
رۋمىنيا، براشيەۆ جانە ميشەلدى فاشيستىك گەرمانيادان ازات ەتۋ ءۇشىن شايقاستارعا قاتىستى.
جاۋىنگەرلىك ەڭبەگى ءۇشىن «وتان سوعىسى» وردەنىمەن، «گەرمانيانى جەڭگەنى ءۇشىن»، «ەرەن ەڭبەگى ءۇشىن»، «ەڭبەك ارداگەرى» مەدالدارىمەن ماراپاتتالعان.