جاڭادان سايلانعان پرەزيدەنتتىڭ ۇلىقتاۋ راسىمىنە بيۋدجەتتەن قوسىمشا قاراجات بولىنبەيدى. بۇل تۋرالى ۆيسە-پرەمەر – قارجى ءمينيسترى ەرۇلان جاماۋبايەۆ مالىمدەدى.
"پرەزيدەنتتىڭ ۇلىقتاۋىنا ءبىز بيۋدجەتتەن قوسىمشا قاراجات بولگەن جوقپىز. وزدەرىڭىز بىلەتىندەي، بۇل – پرەزيدەنتتىڭ رەسمي تۇردە كونستيتۋسيالىق زاڭ بويىنشا پرەزيدەنت لاۋازىمىنا وتۋىنە بايلانىستى انت بەرۋى. وعان كوپ قاراجات كەتەدى دەپ ويلايمىن. سوندىقتان، وعان ءبىزدىڭ تاراپىمىزدان كوپ قاراجات بولىنبەيدى"، – دەدى جاماۋبايەۆ.
قاسىم-جومارت توقايەۆتى ۇلىقتاۋ ءراسىمى 26 قاراشادا وتەدى. سايلاۋ قورىتىندىسى بويىنشا توقايەۆ سايلاۋشىلاردىڭ 81،31% داۋىسىن جيناعان. وعان 6 456 392 ادام داۋىس بەرگەن. جاڭا وزگەرىسكە ساي، ول ەلدى ەندى 7 جىل باسقارادى.
پىكىر قالدىرۋ