قىتايدا Covid-19-دىڭ تارالۋى پاندەميا باستالعالى بەرگى شىرقاۋ شەگىنە تاياپ ققالدى. بەيجىڭ ساياباق، ساۋدا ورىندارى، مۋزەي سىندى ادام كوپ جۇرەتىن جەرلەردى جاۋىپ جاتىر، دەپ جازادى Reuters اگەنتتىگى.
21 قاراشادا قىتايدا 2145 ادام Covid-19 جۇقتىرسا، 25 754 ادام ىندەتتىڭ سيمپتومسىز تۇرىنە شالدىققان. بۇل – پاندەميا كەزىندە احۋال كۇردەلەنگەن 2020 جىلعى ساۋىردەگى جاعدايعا جاقىن. 21 قاراشادا مامىر ايىنان بەرى العاش رەت ەكى ادام كوروناۆيرۋستان كوز جۇمعان.
جۇڭگو مەملەكەتتىك كەڭەسىنىڭ ۆيسە-پرەمەرى ۆيرۋستىڭ تارالۋىن توقتاتۋ ءۇشىن شۇعىل ءارى ناقتى شەشىمدەر قابىلداۋ كەرەكتىگىن ايتتى.
بەيجىڭ بيلىگى قالاعا كىرۋدى قيىنداتتى. وزگە وڭىرلەردەن كەلگەندەر مىندەتتى تۇردە پتر تەست تاپسىرۋعا ءتيىس. كوپتەگەن قوعامدىق ورىندار جابىلعان. بۇل – كوۆيدكە قارسى قىتايداعى ەڭ قاتال شەكتەۋلەردىڭ ءبىرى بولىپ وتىر.
پىكىر قالدىرۋ