ءسىم باسشىسىنىڭ ورىنباسارى رومان ۆاسيلەنكو قازاقستاندى "ۋكراينادان كەيىنگى پروبلەما" دەپ اتاعان رەسەيلىك تەلەارنانىڭ مالىمدەمەسىنە قاتىستى پىكىر ءبىلدىردى.
"ءبىزدىڭ ويىمىزشا، بۇل بىرىنشىدەن، رەسەي بيلىگىنىڭ رەسمي ۇستانىمى ەمەس. ەكىنشىدەن، بۇل قازاقستان مەن رەسەيدىڭ ءداستۇرلى تىعىز قارىم-قاتىناسىنا نۇقسان كەلتىرەدى. ۇشىنشىدەن، رەسەي بيلىگىنىڭ وعان رەاكسيا بىلدىرگەنى ءجون دەپ سانايمىز" دەدى جۋرناليستەردىڭ سۇراقتارىنا جاۋاپ بەرگەن رومان ۆاسيلەنكو.
بۇعان دەيىن الەۋمەتتىك جەلىدە "ۆەچەر س ۆلاديميروم سولوۆيەۆىم" اتتى رەسەيدىڭ مەملەكەتتىك ارناسىندا شىققان حاباردان ءۇزىندى جاريالانعان بولاتىن. توك شوۋعا قاتىسۋشىلار قازاقستاندا دا ۋكرايناداعىداي "ناسيستىك" پروسەستەر باستالۋى مۇمكىن ەكەنىن ايتىپ، "ۋكراينادان كەيىنگى ماسەلە – قازاقستان" دەپ مالىمدەگەن.
پىكىر قالدىرۋ