كاسىپكەر مارات ابييەۆ "بەيبىت جيىن وتكىزۋ ءتارتىبىن بۇزۋ" جانە "بيلىك وكىلىنە باعىنباۋ" باپتارى بويىنشا ايىپتى دەپ تانىلدى. استانا قالاسىنىڭ مامانداندىرىلعان اۋدانارالىق سوتى كاسىپكەردى 15 تاۋلىككە قاماۋعا الۋ جونىندە شەشىم قابىلدادى.
26 قاراشادا استانادا وزدەرىن "بولاشاق ساۋلەتشىلەرى" دەپ اتاعان بەلسەندىلەر ميتينگكە شىققانى حابارلانعان. سول ساتتە قالادا ستاسيونارلىق جانە ءموبيلدى ينتەرنەت ءبىر ساعات بويى ىستەمەگەن.
بەلسەندىلەرگە كاسىپكەر مارات ابييەۆ باسشىلىق ەتكەن. ول ەل بيلىگىن اۋىل شارۋاشىلىعىن دامىتۋ جوباسىن تەزىرەك قابىلداۋعا نازار اۋدارتۋ ءۇشىن ميتينگ ۇيىمداستىرعان. مەملەكەتتىك تەحنيكالىق قىزمەت ينتەرنەتتىڭ ءوشۋىن "تەحنيكالىق اۆاريا" دەپ تۇسىندىرگەن. كەيىننەن استانا پوليسياسى ميتينگكە 300 ادام قاتىسقانىن، ۇستالعاندار قۇقىق قورعاۋ ورگاندارىنىڭ قىزمەتكەرلەرىنە قارسىلىق بىلدىرگەنىن مالىمدەدى.
پىكىر قالدىرۋ