ءماجىلىس ءتوراعاسى ەرلان قوشانوۆ ءماجىلىس وتىرىسىنان كەيىن جۋرناليستەرگە رەسەيدىڭ قازاقستانداعى ەلشىسى الەكسەي بوروداۆكيننىڭ بەرگەن سۇحباتى تۋرالى پىكىر ءبىلدىردى.
"ەلشىنىڭ سۇحباتىنىڭ كەي تۇستارى ونىڭ مارتەبەسىنە ساي كەلمەيدى ءارى پايدا اكەلمەيدى دەپ ويلايمىن. بوروداۆكين مىرزا وتە تاجىريبەلى ديپلومات، ول ۇگىت-ناسيحاتشىلار مەن ساياساتتانۋشىلاردىڭ جەتەگىندە كەتپەۋى كەرەك"، – دەدى قوشانوۆ ەلشى مالىمدەمەسى جايلى سۇراققا.
"ەكىنشىدەن، كسەنوفوبيا رەسەيدە دە جانە باسقا ەلدەردە دە بار. ساياساتكەرلەرىمىزدىڭ مالىمدەمەلەرى ەكىجاقتى قارىم-قاتىناسقا نۇقسان كەلتىرمەۋى ءۇشىن ءبىز مەملەكەتتەرىمىزدىڭ يگىلىگى جولىندا بىرگە جۇمىس ىستەۋىمىز كەرەك"، – دەدى ءماجىلىس ءتوراعاسى.
كەشە رەسەيدىڭ قازاقستانداعى ەلشىسى الەكسەي بوروداۆكين رەسەيلىك باسىلىمداردىڭ بىرىنە بەرگەن سۇحباتىندا قازاقستانداعى راديكالدى ۇلتشىلدار مەن رۋسوفوبيا تۋرالى ايتىپ، رەسەيدىڭ ولارمەن كۇرەسكە "كومەك بەرۋگە دايىن" ەكەنىن مالىمدەگەن بولاتىن.
پىكىر قالدىرۋ