9 جەلتوقسانىندا «Almaty Resort» شيپاجايىندا جۇمىسسىز جاستارعا ارنالعان «Jas Camp Almaty» جاستار لاگەرى – «اكسەلەراتور» جوباسىنىڭ ەلۋ فيناليستىنە 1 ملن.تەڭگە كولەمىندە مەملەكەتتىك گرانتتار سالتاناتتى تۇردە تابىس ەتىلدى.

بۇل جوبا بيزنەستى باسقارۋ سالاسىندا جاڭا ءبىلىم الۋ ارقىلى، جوبالاردىڭ ءوسۋىن جانە ولاردى ىسكە اسىرۋ ءۇشىن قاجەتتى رەسۋرستاردى تابۋ ارقىلى قالانىڭ جۇمىسپەن قامتىلماعان جاستارىن قولداۋعا باعىتتالعان.

ءىس-شارانى الماتى قالاسى جاستار ساياساتى باسقارماسى كمم ۇيىمداستىرعان.

جوباعا 1000-عا جۋىق «جۇمىسسىز» مارتەبەسىندە تىركەلگەن جاستار قاتىستى، ولاردىڭ 100ء-ى 5 كۇن ىشىندە «Almaty Resort» كەشەنىنىڭ بازاسىندا بىلىكتى تالىمگەرلەر مەن جاتتىقتىرۋشىلاردان شەبەرلىك ماستەر-كلاسسىنان ءوتتى.

وقىتۋ بارىسىندا جاڭا باستاعان كاسىپكەرلەرگە قاجەتتى داعدىلار مەن كاسىپتەردى ۇيرەنۋگە، قوعامداعى تاۋەلسىز ومىرگە بەيىمدەلۋگە جانە ءوزىن-وزى جۇزەگە اسىرۋعا پايدالى داعدىلاردى يگەرۋگە ەرەكشە نازار اۋدارىلدى.

بايقاۋ نەگىزىندە 50 جاستار ءوز يدەيالارىن جۇزەگە اسىرۋ ءۇشىن گرانتتار الدى.

الماتى قالاسى اكىمىنىڭ باسپا ءسوز قىزمەتى