رۋسلان جەلدىباي پرەزيدەنت اكىمشىلىگى باسشىسىنىڭ ورىنباسارى – پرەزيدەنتتىڭ باسپا ءسوز حاتشىسى بولىپ تاعايىندالدى، – دەپ حابارلادى اقوردانىڭ باسپا ءسوز قىزمەتى. 

"رۋسلان سۇلتان ۇلى جەلدىباي قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى – پرەزيدەنتتىڭ باسپا ءسوز حاتشىسى بولىپ تاعايىندالسىن، ول بۇرىنعى اتقارعان لاۋازىمىنان بوساتىلسىن" دەلىنگەن جارلىقتا.

رۋسلان جەلدىباي 1989 جىلى جامبىل وبلىسىندا تۋعان.

ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن، ۋوريك ۋنيۆەرسيتەتىن (ۇلىبريتانيا) بىتىرگەن. «بولاشاق» باعدارلاماسىنىڭ تۇلەگى.

ەڭبەك جولىن 2012 جىلى «قازاقستان» تەلەارناسىندا رەداكتور بولىپ باستاعان.

2012-2018 جج. – «الماتى» تەلەارناسىندا ءبولىم باسشىسى، پروديۋسەر.

2018-2019 جج. – ق ر اقپارات جانە كوممۋنيكاسيالار كوميتەتىنىڭ ينتەرنەت كەڭىستىگىندەگى جانە الەۋمەتتىك جەلىلەردەگى اقپاراتتىق جۇمىس جونىندەگى باسقارما باسشىسىنىڭ م.ا.، باسشىسى.

2019-2020 جج. – ق ر اقپارات جانە قوعامدىق دامۋ مينيسترلىگىنىڭ اقپارات كوميتەتى ءتوراعاسىنىڭ ورىنباسارى.

2020-2022 جج ق ر پرەزيدەنتى اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى بولدى.

2022 جىلعى 14 اقپاندا پرەمەر-مينيستر كەڭسەسى باسشىسىنىڭ ورىنباسارى بولىپ تاعايىندالىپ، تۋرا ەكى ايدان كەيىن پرەزيدەنتتىڭ باسپا ءسوز حاتشىسى قىزمەتىنە اۋىسقان.