جۋرناليست سامال قابىشيەۆا الەۋمەتتىك جەلىلەردەگى پاراقشالارىنا جەتىسۋ وبلىسىنىڭ ورتالىعى تالدىقورعان قالاسىنداعى ءبىلىم ورىندارىنىڭ بىرىندە بولعان قىزدار اراسىنداعى توبەلەستىڭ ۆيدەوسىن سالىپ، كامىلەت جاسىنا تولماعان قىزداردىڭ تاربيە ماسەلەسىن كوتەردى.
ۆيدەودان ءۇش قىز ءبىر قىزدى جابىلىپ اياۋسىز ساباعانى كورىنەدى. جۋرناليست وقيعا قالاداعى كەشكى مەكتەپتەردىڭ بىرىندە بولعانىن ايتادى. سونداي-اق ول وقيعا قاتىسۋشىلارىنىڭ جەلىدەگى پاراقشالارىن تاۋىپ العان. ول جەردە جاس قىزدار الكوگولدىك ىشىمدىك ءىشىپ، بىلاپىت سوزدەر ايتقان ۆيدەولار ءجۇر. بۇنى كورىپ جاعاسىن ۇستاعان جۋرناليست وبلىستىق ءبىلىم باسقارماسى مەكتەپ جاسىنداعى قىزداردىڭ تاربيە ماسەلەسىن مىقتاپ قولعا الۋى كەرەك، ال ىشكى ىستەر ورگاندارى بۇنداي جاعداي قايتالانباس ءۇشىن بۇزاقى قىزداردى قاتاڭ جازالاۋى كەرەك دەپ سانايدى.
جەتىسۋ وبلىسى ءبىلىم باسقارماسى ماسەلەگە بايلانىستى مالىمدەمە جاساپ، جاعدايعا بايلانىستى باسقارمانىڭ، قۇقىق قورعاۋ ورگاندارىنىڭ، ءبىلىم بەرۋ سالاسىنداعى ساپانى قامتاماسىز ەتۋ دەپارتامەنتىنىڭ وكىلدەرىنەن تۇراتىن ارنايى كوميسسيا قۇرىلعانىن جەتكىزدى.
"ولار قىزداردىڭ وقيتىن وقۋ ورىندارىنىڭ تاربيە جۇمىسىنا تەكسەرۋ جۇرگىزەدى. جابىرلەنگەن قىزعا بارلىق قاجەتتى پسيحولوگيالىق كومەك كورسەتىلۋدە. بۇدان باسقا، كۇش قولدانعان قىزداردى ودان ءارى وقىتۋ ماسەلەسى قارالاتىن بولادى. ايتا كەتەيىك، بۇل وقيعا تالدىقورعاننىڭ پاتەرلەرىنىڭ بىرىندە ساباقتان تىس ۋاقىتتا بولعان. قازىرگى ۋاقىتتا وسى فاكت بويىنشا اكىمشىلىك ءىس قوزعالدى" دەلىنگەن باسقارما حابارلاماسىندا.
پوسموترەت ەتۋ پۋبليكاسيۋ ۆ Instagram
پىكىر قالدىرۋ