ىشكى ىستەر ءمينيسترىنىڭ ورىنباسارى يگور لەپەحا شەتەلدىك اۆتوموبيلدەردى زاڭداستىرۋعا بايلانىستى وتكەن بريفينگتە زاڭداستىرۋ پروسەدۋراسى ءۇشىن قانداي قۇجاتتار قاجەت ەكەنىن ايتتى.
شەتەلدىك كولىكتەردى تىركەۋ 23 قاڭتار 1 شىلدە ارالىعىندا جۇزەگە اسادى.
ءوتىنىش پەن قۇجاتتاردى تاپسىرعاننان كەيىن كولىك قۇرالى ارنايى حقكو جانىنداعى تەكسەرۋ پۋنكتىنە نومىرلىك اگرەگاتتاردى سالىستىرۋ ءۇشىن ۇسىنىلادى. ءوتىنىش ەكى كۇن قارالىپ، وڭ نە تەرىس شەشىم شىعادى.
تەكسەرىس ءساتتى بولعان جاعدايدا ءوتىنىش بەرۋشىنىڭ تەلەفونىنا وڭ ناتيجە جانە كولىك قۇرالىن تىركەۋ ءۇشىن ارنايى حقكو-عا كەلۋ قاجەتتىلىگى تۋرالى قىسقا حابارلاما جىبەرىلەدى.
كولىك قۇرالىن تىركەۋگە ارنايى حقكو-عا قايتا كەلگەن كەزدە يەسى باستاپقى تىركەۋ ءۇشىن 200 000 تەڭگە، تەحپاسپورت ءۇشىن مەملەكەتتىك باج (4 313 تەڭگە)، سونداي-اق مەملەكەتتىك نومىرگە (9 660 تەڭگە) الىم تولەيدى جانە قۇجاتتاردىڭ ءتۇپنۇسقالارىن حقكو قىزمەتكەرىنە تاپسىرادى.
پىكىر قالدىرۋ