قۇقىققورعاۋشى مارجان اسپاندياروۆانىڭ ايتۋىنشا، بەلسەندىنى 4 جاسار قىزىمەن قوسا كۇشتەپ اكەتۋ پوليسيا قىزمەتكەرلەرىنىڭ تومەنگى مورالدىق-ەتيكالىق كەلبەتىنەن حابار بەرەدى، ال  پوليسيا قىزمەتكەرلەرىنىڭ وسىنداي ارەكەتتەرىنىڭ قايتالانۋى مەن وعان لايىقتى قۇقىقتىق باعا بەرمەۋ ازاماتتىق قوعامدى ۇرەيلەندىرۋ، ساياساتتان الشاقتاتۋ ءۇشىن جاسالادى.

– بيلىك ءبىر جاعىنان زاڭسىزدىقتى وسىلاي كوپشىلىككە جاريا تۇردە جاساۋ ارقىلى كىمدە-كىم بەلسەندى بولسا، ويىن اشىق ايتىپ، بيلىككە تالاپ قويسا، كورەتىنى وسى بولادى، وسىلاي ايامايمىز دەگەندى اشىق تۇردە كورسەتىپ وتىر. سول ءۇشىن دە بۇعان دۇرىس قۇقىقتىق باعا بەرمەيدى. ەگەر وزدەرىنىڭ زاڭسىز ارەكەتىن مويىنداسا، وزگە دە بەلسەندىلەر كورگەن زاڭسىزدىقتارى تۋرالى ايتا باستاۋى مۇمكىن. ال وندايلار وتە كوپ. قازاقستاندا بەلسەندىلەردى قۋدالاۋدىڭ ءتۇر-تۇرىن كورىپ ءجۇرمىز، – دەيدى ول.