ءماجىلىس دەپۋتاتى، "اق جول" پارتياسىنىڭ مۇشەسى ازامات ابىلدايەۆ ازاتتىق راديوسىنا بەرگەن سۇحباتى كەزىندە رەسەي-ۋكراينا سوعىسىندا ماسكەۋدىڭ پوزيسياسىن قولدايتىنىن ايتتى.
"مەن رەسەي پرەزيدەنتىن قولدايمىن. مۇنى ۋكرايناداعى ارنايى وپەراسيا دەپ ەسەپتەيمىن. مەنىڭ ويىمشا، ۋكراينا حالقى وسى جازدا زەلەنسكييدى ءوز قولىمەن ۇستاپ، سوتقا بەرەدى"، دەدى دەپۋتات.
جۋرناليست دەپۋتاتتىڭ ايتقانىنا سەنىڭكىرەمەي، قايتالاپ "شىنىمەن رەسەيدى قولدايسىز با؟ ءقازىر ۋكرايناداعى تۇرعىن ۇيلەرگە شابۋىل جاسالىپ، بەيبىت تۇرعىندار قىرىلىپ جاتىر. حالىقارالىق ۇيىمدار رەسەيگە سانكسيا سالىپ جاتىر"، دەپ سۇراق قويدى. الايدا دەپۋتات ءوز پىكىرىن وزگەرتپەدى.
"ءسىز سوعىس دەپ ايتاسىز. ەندى سوعىستا "نە يزبەجات". ءپۋتيندى بۇكىل الەم ايىپتاپ جاتقان جوق. مەن تاعى قايتالاپ ايتامىن ۋكراينادا ءوتىپ جاتقان ارنايى وپەراسيانى قولدايمىن"، دەدى دەپۋتات ءجۋرناليستىڭ سۇراعىنا.
ازامات ابىلدايەۆ پارلامەنتتە ءوزى سەكىلدى رەسەيدى قولدايتىن 2-3 ادام بارىن جەتكىزدى.
پىكىر قالدىرۋ