رەسەيدىڭ ۋكرايناعا باسقىنشىلىعىن قولدايتىنىن ايتقان ءماجىلىس دەپۋتاتى ازامات ابىلدايەۆ "اق جول" دەموكراتيالىق پارتياسى پلەنۋمىنىڭ شەشىمى بويىنشا پارتيادان شىعارىلدى. بۇل تۋرالى پارتيانىڭ باسپا ءسوز قىزمەتى حابارلادى.
پارتيا ءتوراعاسى ازات پەرۋاشيەۆتىڭ توراعالىعىمەن وتكەن پارتيا ۇلتتىق كەڭەسىنىڭ پلەنۋمىندا ازامات ابىلدايەۆتىڭ جۋرناليستكە بەرگەن سۇحباتىندا ۋكرايناداعى سوعىس تۋرالى ايتقان سوزدەرى سارالانىپ، ءتيىستى ساياسي باعا بەرىلگەن.
"ۇلتتىق كەڭەس مۇشەلەرى ا.ابىلدايەۆتىڭ سوزدەرى “اق جول” پارتياسىنىڭ پوزيسياسىنا قاراما-قايشى جانە سونىمەن قاتار پارتيالىق جانە دە دەپۋتاتتىق ەتيكانى دا بۇزىپ تۇرعانىنا باسا نازار اۋداردى. اتاپ ءوتۋ كەرەك، كەشە پارتيا پرەزيديۋمى حابارلاعانداي، “اق جول” پارتياسى قاشان دا رەسپۋبليكامىزدىڭ جانە باسقا دا دوس مەملەكەتتەردىڭ تاۋەلسىزدىگى مەن جەر تۇتاستىعىن قۇرمەتتەيدى جانە قولدايدى.
ۇلتتىق كەڭەس شەشىمى بويىنشا:
- ا.ابىلدايەۆتى «اق جول» دەموكراتيالىق پارتياسىنان شىعارۋ تۋرالى شەشىم قابىلدادى.
- وسىعان بايلانىستى ا.ابىلدايەۆتىڭ دەپۋتاتتىق مانداتىن توقتاتۋ تۋرالى «اق جول» پارتياسى ورتالىق سايلاۋ كوميسسياسىنا حات جولدادى" دەلىنگەن حابارلامادا.
پىكىر قالدىرۋ