2023 جىلعى ناۋرىزدان باستاپ ءورت سوندىرۋشىلەر مەن قۇتقارۋشىلاردىڭ جالاقىسى 60 پايىزعا جۋىق ارتادى. بۇل تۋرالى توتەنشە جاعدايلار ءمينيسترى يۋريي يلين ۇكىمەت وتىرىسىنان كەيىن حابارلادى.

ءمينيستردىڭ مالىمەتىنشە، ءورت سوندىرۋشىلەر مەن قۇتقارۋشىلار قاڭتار مەن اقپان ايلارىندا جالاقىنى بۇرىنعىشا الىپ، ناۋرىزدا الدىڭعى ەكى ايدىكى قوسىلىپ جوعىرىلاتىلعان جالاقى بەرىلەدى.

قازىرگى ۋاقىتتا ەڭ تومەنگى لاۋازىمداعى قىزمەتكەر 110 مىڭ تەڭگە جالاقى الادى. ناۋرىزدان كەيىن بۇل – 180 مىڭ تەڭگەگە دەيىن وسەدى.

سونداي-اق مينيستر جىل سايىن ءورت ءسوندىرۋ-قۇتقارۋ قىزمەتى تەحنيكاسى بىرتىندەپ جاڭارا تۇسەتىنىن جەتكىزدى. قازىرگى ۋاقىتتا تجم بالانسىندا 20 جىلدان استام قىزمەت ەتكەن 580 تەحنيكا بار. بۇدان بولەك ءورت سوندىرۋشىلەرگە ساتى، كوتەرگىش قۇرالدارى سەكىلدى قاجەتتىلىكتەر ءۇشىن ۆەدومستۆو بيۋدجەتى ناقتىلاناتىن بولادى.

دەرەككوز: كازتاگ سايتى