ورتالىق ازيا ۇكىمەتتەرىنىڭ وپپوزيسيانى باسۋ ءۇشىن ينتەرنەتتى جاۋىپ تاستايتىن ادەتى بار. بۇل ۇلتتىق ەكونوميكاعا ميلليونداعان دوللار زيان كەلتىرەدى. 2022 جىلى قازاقستان 410،3 ملن اقش دوللارىن جوعالتىپ، ينتەرنەتتى جوعالتۋدان كەلگەن شىعىن بويىنشا الەمدەگى «كوشباسشىلار» ۇشتىگىنىڭ قاتارىنان كورىندى.

ەكىنشى ورىندا يران. ونداعى ينتەرنەتتى وشىرۋدەن 773 ملن اقش دوللارى شىعىن بولدى. ال رەسەي ينتەرنەتتى وشىرەمىن دەپ 21،59 ملرد اقش دوللارىن جوعالتتى.

جالپى بىلتىر 23 ەل ينتەرنەتتى وشىرگەن. مۇنداي دەرەكتەر Top10VPN تالداۋشىلارى جۇرگىزگەن جانە وسى جىلدىڭ قاڭتارىندا جاريالانعان زەرتتەۋدە كورسەتىلگەن.

ەسەپكە سونىمەن قاتار قىرعىزستاننان باسقا ورتالىق ازيانىڭ بارلىق ەلدەرى كىردى. قىرعىزستاندا عانا اۋقىمدى تۇردە ينتەرنەت وشىرىلمەگەن.

قازاقستاندا ينتەرنەت نەگىزىنەن 2022 جىلدىڭ قاڭتارىنداعى نارازىلىقتارعا بايلانىستى ءوشىرىلدى. نارازىلىق سۇيىتىلعان گاز باعاسىنىڭ كۇرت كوتەرىلۋىنەن كەيىن بەيبىت شەرۋلەر رەتىندە باستالدى، ءبىراق بىردەن بۇكىل ەل بويىنشا ۇلكەن قاقتىعىستارعا ۇلاستى.

"4 قاڭتاردا بيلىك ءموبيلدى ينتەرنەتتى شامامەن ءبىر تاۋلىككە ءوشىرىپ تاستادى، سودان كەيىن بەس كۇن بويى، كەيدە ءبىر ۋاقىتتا 24 ساعاتقا دەيىن ينتەرنەت قوسىلمادى" دەلىنگەن زەرتتەۋدە.

2022 جىلى «قاندى قاڭتار» وقيعالارى جانە باسقا دا وقيعالار كەزىندە ينتەرنەت وشىرىلگەن جالپى ۋاقىت 144 ساعاتتى قۇرادى. قازاقستان بويىنشا 16 ملن-عا جۋىق ينتەرنەت پايدالانۋشىسى ودان زارداپ شەكتى.

دەرەككوز: ranking.kz