2022 جىلدىڭ جەلتوقسان ايىنىڭ قورىتىندىسى بويىنشا جاڭا جينالعان كوكونىس باعاسى ءبىر جىل بۇرىنعىمەن سالىستىرعاندا 19،2% وسكەن.
باعا ەڭ كوپ وسكەن ءوڭىر الماتى وبلىسى: ءبىر جىلدا 32،2% قىمباتتاعان. ودان كەيىن تۇركىستان (30،3% قىمباتتاعان) جانە ۇلىتاۋ (27،1%) وبلىستارى. ءبىر جىلدا ەڭ از قىمباتتاعان ءوڭىر باتىس قازاقستان وبلىسى: 4،6%. ەلدىڭ 20 ءوڭىرىنىڭ ىشىندە جاڭا پىسكەن كوكونىس باعاسى تەك پاۆلودار وبلىسىندا عانا تومەندەدى: 2،7%.
قىمباتتاعان كوكەنىستەر قاتارىندا قيار (47،9% قىمباتتاپ، كيلوسى 931 تەڭگە)، پياز (40،6% قىمباتتاپ، 124 تەڭگە)، قىزاناق (22،2% قىمباتتاپ، 764 تەڭگە)، كارتوپ (11،9% قىمباتتاپ، 155 تەڭگە)، قىزىلشا(1،5% قىمباتتاپ، 235 تەڭگە) بار. ءسابىز 0،8% ارزانداپ، كيلوسى 145 تەڭگە، اق قاۋاندى قىرىققابات 15،2% ارزانداپ، 102 تەڭگە بولدى.
كوكونىس يمپورتىنا كەلەر بولساق، 2022 جىلعى قاڭتارقازان ايلارىنىڭ قورىتىندىسى بويىنشا ەلدە بۇرىش يمپورتى ايتارلىقتاي ءوستى (2،8 ەسە كوبەيىپ، 28،3 مىڭ تونناعا جەتتى). ودان بولەك قيار مەن كورنيشون (85،7% كوبەيىپ، 9،4 مىڭ توننا)، سارىمساق (76،2% كوبەيىپ، 4،1 مىڭ توننا)، باقشا داقىلدارى (73،2% كوبەيىپ، 62،1 مىڭ توننا)، اق قاۋاندى قىرىققابات (61% كوبەيىپ، 107،6 مىڭ توننا)، قىزاناق (45% كوبەيىپ، 56 مىڭ توننا) يمپورتى دا ارتتى.
ەسەسىنە كارتوپ يمپورتى تومەندەدى (31،8% ازايىپ، 47 مىڭ توننا بولدى)، سونىمەن قاتار پياز (11،3% ازايىپ، 196،2 مىڭ توننا)، ءسابىز (3،4% ازايىپ، 41،1 مىڭ توننا)، باكلاجان (2،6% ازايىپ، 2،3 مىڭ توننا) جانە قىزىلشا (0،7% ازايىپ، 9،3 مىڭ تونن) يمپورتى كەمىدى.
كوكونىس ەكسپورتىندا بۇرىش (63،6% كوبەيىپ، 1،4 مىڭ تونناعا جەتتى)، قىزىلشا (62% كوبەيىپ، 1،1 مىڭ توننا)، باقشا داقىلدارى (56،1% كوبەيىپ 38،4 مىڭ توننا)، ءسابىز (32،1% كوبەيىپ، 3،6 مىڭ توننا)، پياز (31،8% كوبەيىپ، 109،9 مىڭ توننا) جانە سارىمساق (18،5% كوبەيىپ، 474،5 توننا) ەكسپورتى ارتتى.
قىرىققابات، قيار مەن كورنيشون، قىزاناق، باكلاجان ەكسپورتى قىسقاردى.
كوكونىستەردىڭ نەگىزگى تۇرلەرىنىڭ يمپورتى ەكسپورتتان بىرنەشە ەسە كوپ ەكەنىن اتاپ وتكەن ءجون. ماسەلەن، 2022 جىلدىڭ قاڭتار-قازان ايلارىنىڭ قورىتىندىسى بويىنشا باكلاجان يمپورتى ەكسپورتتان 39،8 ەسە، بۇرىش – 20،5 ەسە، قىرىققابات — 12،4 ەسە، ءسابىز – 11،5 ەسە، قىزىلشا – 8،8 ەسە، سارىمساق – 8،7 ەسە، قىزاناق – 3،6 ەسە، قيار – 2،2 ەسە، پياز – 1،8 ەسە، قاۋىن – 1،6 ەسە ءوستى. تەك كارتوپ يمپورتى عانا ەكسپورتتان 2،9 ەسە از بولدى.
پىكىر قالدىرۋ