جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ پروفەسسورى، تەحنيكا عىلىمدارىنىڭ دوكتورى سارسەنبەك مونتايەۆ «الەمدەگى ەڭ بەدەلدى عالىمداردىڭ 2%» (World’s Top 2% Scientists) رەيتينگىنە ەندى، دەپ حابارلادى اۋىل شارۋاشىلىعى مينيسترلىگىنىڭ باسپا ءسوز قىزمەتى.
Elsevier عىلىمي باسپاسىنىڭ سوڭعى مالىمەتتەرىنە سايكەس، الەمنىڭ ەڭ ۇزدىك عالىمدارىنىڭ ءتىزىمىن ستەنفورد ۋنيۆەرسيتەتىنىڭ ساراپشىلارى قۇراستىرعان. رەيتينگ نەگىزىنە عالىمداردىڭ بۇكىل بيبليومەتريالىق مالىمەتتەرى، مانسابىنداعى بارلىق دايەكسوزدەرى الىنادى.
سارسەنبەك مونتايەۆ كەيىنگى جىلدارى بقاتۋ-دا جۇمىس ىستەپ جاتىر، ءقازىر ۋنيۆەرسيتەتتىڭ يندۋستريالدى-تەحنولوگيالىق ينستيتۋتىن باسقارادى.
قۇرىلىس ماتەريالدارىن وندىرۋدە جاڭا تەحنولوگيالاردى ازىرلەۋشى، سونداي-اق اۋىل شارۋاشىلىعى ماقساتىنداعى جەر توپىراعىنىڭ قۇرىلىمدىق-مەحانيكالىق قاسيەتتەرىن جاقسارتۋ جونىندەگى جوبانىڭ باسشىسى قىزمەتىن اتقارادى.
پىكىر قالدىرۋ