2-3 اقپان الماتى قالاسىندا Digital Almaty 2023 حالىقارالىق tech فورۋمى ءوتتى. فورۋمدا سيفرلاندىرۋ سالاسىنداعى ۇزدىك كومپانيالار ماراپاتتالدى. سونىڭ ىشىندە، Bugin Holding كومپانياسىنا قاراستى Daryn.online پلاتفورماسى جىل قورىتىندىسى بويىنشا “ەڭ ۇزدىك EdTech جوبا” نوميناسياسىن جەڭىپ الدى.
EdTech (قاز. ءبىلىم بەرۋ تەحنولوگيالارى) – ءبىلىم بەرۋ سالاسىنداعى زاماناۋي تەحنولوگيالاردى بىرىكتىرەتىن يننوۆاسيالىق شەشىمدەر. بۇل نوميناسيا يننوۆاسيالىق ءتاسىلدى قولدانىپ، ءبىلىم بەرۋ سالاسىنداعى وزەكتى ماسەلەلەردى شەشەتىن جانە ەڭ ۇزدىك ساپالى قىزمەت كورسەتۋشى جوباعا بەرىلەدى. نوميناسيانى ارمەنيانىڭ پرەمەر-مينيسترى نيكول پاشينيان تابىستادى. Bugin Holding – ءوز ەكوجۇيەسىن قالىپتاستىرعان، زامان تالابىنا ساي جابدىقتالعان ەلىمىزدەگى العاشقى قازاق ءتىلدى IT كومپانيا.
حولدينگتىڭ ءىت نارىعىندا تانىمال بىرنەشە جوباسى بار: ما-ما!، OrdaGen، Daryn.online، Daryn Teacher، Educenter، Bugin.kz جانە ت.ب. وسى جوبالاردىڭ ىشىندە ەڭ تانىمالى: 4 ملن-نان استام وقۋشى مەن ۇستازعا قاشىقتان ساپالى ءبىلىم بەرۋدى قامتاماسىز ەتىپ وتىرعان Daryn.online پلاتفورماسى.
وتكەن 2022 جىل Daryn.online ءۇشىن تابىس پەن تاجىريبەگە تولى بولدى:
● كومپانيا 2،4 ملن دوللار ينۆەستيسيا تارتتى؛
● Prometheus School -دىڭ قۇرىلتايشىسى اتانىپ، ەلىمىزدەگى العاشقى گيبريدتى مەكتەپ يدەياسىن جۇزەگە اسىردى؛
● مەكتەپ پروسەستەرىن اۆتوماتتاندىرۋعا (LMS) ارنالعان Daryn Pro جوباسى ىسكە قوسىلدى؛
● Daryn Teacher 2.0 ىسكە قوسىلىپ، وقۋشىلار 180 000+ رەت مەكتەپ ساباقتارى بويىنشا قيىندىق تۋدىرعان سۇراعىنا جاۋاپ الدى؛
● Daryn Tutor 3 117 استام جاڭا رەپەتيتور قوسىلىپ، 2 261 وقۋشى وزىنە جاقىن ايماقتان رەپەتيتور تاپتى؛
● ءبىلىم الۋشىلارعا كونتەنتتى ويىن مەتوديكاسى ارقىلى بەرۋگە ارنالعان Daryn GO جوباسى ىسكە قوسىلدى؛
● وقۋ پروسەسىن تەجەيتىن كۇردەلى تاپسىرمالاردى شەشۋدەگى كومەكشى Daryn Help جوباسى ىسكە قوسىلىپ، 10 000-نان استام سۇراققا جاۋاپ بەرىلدى؛
● Daryn.online قىزمەتتەرى ءبىلىم الۋشىلار اراسىنداعى باعالاۋ بويىنشا (NPS) 82% قولدانۋشىنىڭ كوڭىلىنەن شىقتى؛
● ونلاين ءبىلىمدى ودان دا ساپالى ءارى قولجەتىمدى ەتۋ ماقساتىمەن جانە پلاتفورما قولدانۋشىلارىنىڭ سۇراۋىمەن ءار ءپان بويىنشا كومەكشى كۋراتور قوسىلدى؛
● Daryn.online پلاتفورماسىندا وتكىزىلەتىن وليمپيادا قازاقستانداعى ەڭ تانىمال ءارى ءجيى تاپسىرىلاتىن وليمپيادا اتاندى. 87 500 وقۋشى مەن 34 800 ءمۇعالىم وليمپيادادا ب ا ق سىنادى؛
● Daryn.online -مەن 14 429 وقۋشى ۇبت-عا دايىندالىپ، ونىڭ 75،2%-ى گرانتقا ءتۇستى جانە بايقاۋ سىناعى 345 026 رەت تاپسىرىلىپ، ورتاشا كورسەتكىشى 72،6 باللدى قۇرادى.
“Daryn.online -نىڭ الداعى جوسپارى: ەلىمىزدەگى ءساتتى جوبالاردى شەتەل نارىعىنا ەكسپورتتاۋ. ءبىز ءقازىر وزبەكستان نارىعىنا اعىلشىن ءتىلىن ەنگىزىپ جاتىرمىز، ال ساۋد ارابياسى مەن يندونەزيا نارىعىنا ماتەماتيكا ءپانىن (iDaryn) ءبىزدىڭ قالىپتاستىرعان مەتوديكامەن سول ەلدىڭ تىلدەرىندە جاساۋدامىز. ءبىلىم ءبىزدى بىرىكتىرەدى، ءبىز بۇعان سەنەمىز”، – دەدى Daryn.online پلاتفورماسىنىڭ نەگىزىن قالاۋشىلاردىڭ ءبىرى ايبەك قۋاتبايەۆ.
Daryn.online ميسسياسى – ساپالى ءبىلىمدى قولجەتىمدى ەتۋ، ەلىمىزدەگى ءبىلىم ساپاسىن ارتتىرۋ جولىندا جاڭا تەحنولوگيالار مەن يننوۆاسيالاردى جاساۋ.
كەز كەلگەن وقۋشىنىڭ ءبىلىم الىپ، ۇستازدىڭ ساباق بەرىپ جانە اتا-انانىڭ دامۋى ءۇشىن Daryn.online زاماناۋي شەشىمدەر قابىلداپ، العا قويعان جوسپار بويىنشا جۇمىس ىستەۋگە ءازىر.
پىكىر قالدىرۋ