ۇلتتىق ستاتيستيكا بيۋروسى 2022 جىلعى IV توقسانداعى جاعاي بويىنشا قازاقستان ەكونوميكاسىنىڭ ءارتۇرلى سالالارىندا 9 ملن ادام جۇمىسپەن قامتىلعانىن حابارلادى.

ولاردىڭ 6،9 ملن-ى (76،7%) جالدامالى قىزمەتكەر بولسا، 2،1 ملن ادام (23،3%) ءوزىن-وزى جۇمىسپەن قامتۋشىلار.

اپتاسىنا ناقتى جۇمىس ىستەگەن ساعاتتار جالدامالى قىزمەتكەرلەر اراسىندا 41 ساعات، ءوزىن-وزى جۇمىسپەن قامتۋشىلار اراسىندا 34 ساعاتتى قۇراعان.

"تولىق جۇمىسپەن قامتىلماعاندار (جۇمىس كولەمىنىڭ تومەندەۋىنە، جۇمىس بەرۋشىنىڭ باستاماسى بويىنشا، سىرعىمالى جۇمىس كەستەسىنە جانە باسقا دا سەبەپتەرمەن از جۇمىس ىستەگەندەر) سانى الدىڭعى توقسانمەن سالىستىرعاندا 9،9% ءوسىپ، 268،9 مىڭ ادامدى، جۇمىسسىزدار سانى 456،1 مىڭ ادامدى قۇرادى. جۇمىسپەن قامتۋ ورگاندارىندا 2023 جىلعى قاڭتار ايىنىڭ سوڭىنا 212،1 مىڭ جۇمىسسىز رەسمي تىركەلگەن. ولار جۇمىس كۇشىنىڭ 2،3%-ى" دەلىنگەن بيۋرو اقپاراتىندا.

ءوزىن-وزى جۇمىسپەن قامتىپ وتىرعاندارعا مال ۇستاپ، از-كەم جەرگە ءدان ەگەتىندەپ، ۇساق ساۋدادا جۇرگەندەر، بالا باعۋشىلار، داياشىلار، تاكسي قىزمەتىن ۇسىناتىندار جاتادى. ولاردىڭ زەينەتاقى جيناعىنا جارنا اۋدارىلىپ جاتپاعاندىقتان، كەيىن الاتىن زەينەتقى مولشەرى سالىستىرمالى تۇردە تومەن بولادى.